ស្ថានីយផ្គត់ផ្គង់ទឹកស្អាតនៅខេត្តស្ទឹងត្រែង បានសាងសង់រួចរាល់ ១០០ភាគរយ
ស្ទឹងត្រែង - ស្ថានីយផ្គត់ផ្គង់ទឹកស្អាតស្ថិតក្នុងសង្កាត់ព្រះបាទ ក្រុងស្ទឹងត្រែង ខេត្តស្ទឹងត្រែង គិតមកទល់ពេលនេះការស្ថាបនាបានរួចរាល់១០០ភាគរយហើយ ខណៈដែលអាជ្ញាធរគ្រោងសម្ពោធដាក់ដំណើរការ ដើម្បីបម្រើតម្រូវការប្រើប្រាស់ទឹកប្រចាំថ្ងៃរបស់ប្រជាពលរដ្ឋ។
ឯកឧត្តម ស្វាយ សំអ៊ាង អភិបាលខេត្តស្ទឹងត្រែង មានប្រសាសន៍ថា ពេលស្ថានីយទឹកស្អាតដ៏ធំក្នុងខេត្តមួយនេះ អាចផ្គត់ផ្គង់ទឹកស្អាតជូនប្រជាពលរដ្ឋទូទាំងខេត្តប្រើប្រាស់បានគ្រប់គ្រាន់ ពិសេសក្រុមបច្ចេកទេស នឹងរៀបចំបញ្ជូនទឹកស្អាតពីទីប្រជុំជនដល់ទីជនបទសម្រាប់ប្រជាពលរដ្ឋប្រើប្រាស់ប្រកបដោយសុវត្ថិភាពនិងគុណភាព។
ឯកឧត្តម ស្វាយ សំអ៊ាង បានបញ្ជាក់បន្ថែមថា ៖ "ផ្នែកទឹកស្អាតក៏យើងទទួលបាននូវគម្រោងទឹ កស្អាតដែលក្រសួង ឧស្សាហកម្ម វិទ្យាសាស្ត្រ បច្ចេកវិទ្យា និងន វានុវត្តន៍ ក៏ បាន រៀប ចំជាគម្រោងទឹកស្អាតស្តង់ ដារ មួយនៅក្នុងក្រុងនេះដែលធ្វើរួចរាល់ហើយអាចនឹងសម្ពោ ធប្រើប្រាស់នៅ ពេលខាងមុខនេះ នៅពេល ដែល ប្រ ព័ន្ធទឹ កស្អាត នេះចែក ចាយប្រើប្រាស់ ជាផ្លូវការទៅធ្វើឲ្យប្រជាពលរដ្ឋជាច្រើនម៉ឺនគ្រួសារទៀតសម្រាប់ទទួលបានប្រព័ន្ធទឹកស្អាតនេះ នឹងជួយដល់ សុខ ភាព ប្រជា ពលរដ្ឋនៅក្នុងក្រុងនេះក៏ដូចជាយើ ងកំពុងតែពង្រីកនៅតាមបណ្ដា ស្រុកចំនួន ០៣ ស្រុកទៀត"។
ជាមួយគ្នានេះ ឯកឧត្តម ចម ប្រសិទ្ធ ទេសរដ្ឋមន្ត្រី រដ្ឋមន្ត្រីក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ ធ្លាប់បានលើកឡើងថា ស្ថានីយទឹកស្អាតនៅក្នុងខេត្តស្ទឹងត្រែង ជាសមិទ្ធផលថ្មីមួយទៀតផ្នែកផ្គត់ផ្គង់ទឹកស្អាត ដែលមានទំហំធំជាងគេនៅខេត្តភូមិភាគឥសាន្ត ដែលបានស្ថាបនាឡើងក្រោមកិច្ចសហការជាមួយផ្នែកដៃគូវិនិយោគ និងបានប្រើប្រាស់ហិរញ្ញប្បទានឥទានរបស់អនាគាអភិវឌ្ឍអាស៊ីហៅកាត់ថា ADB ធ្វើឱ្យសម្រេចផែនការឆ្នាំ ២០២៥ អនុវត្តនូវគោលនយោបាយរបស់រាជរដ្ឋាភិបាល ប្រជាពលរដ្ឋមានទឹកស្អាតប្រើប្រាស់គ្រប់ក្រុមគ្រួសារ។
គួរបញ្ជាក់ថា ស្ថានីយផ្គត់ផ្គង់ទឹកស្អាតនេះ ជាស្ថានីយ៏ទឹកស្អាតដ៏ធំទីមួយដែលបានសាងសង់ឡើងនៅលើផ្ទៃដីជាង ១៧.០០០ ម៉ែត្រការ៉េ នៅខេត្តស្ទឹងត្រែងហើយថ្ងៃអនាគតអាច ចែកចាយ ផ្គត់ផ្គង់ទឹកស្អាតជូនប្រជាពលរដ្ឋបានទូទាំងខេត្តស្ទឹងត្រែងប្រើប្រាស់ ដោយសារទីតាំងស្ថានីយ៏នេះមាន រយៈកម្ពស់រហូតទៅដល់៥៥ម៉ែត្រ៕