អង្គរជុំក្លាយជាស្រុកទី១ ក្នុងខេត្តសៀមរាប បញ្ឈប់ការបន្ទោបង់ពាសវាលពាសកាលទាំងស្រុង

ថ្ងៃអង្គារ៍ ទី២៥ ខែមិថុនា​ ឆ្នាំ២០២៤      ម៉ៅ សំណាង
ចែករំលែក
Views: 575
1

សៀមរាប - មន្ត្រីជំនាញលើកកម្ពស់អនាម័យ និងអាជ្ញាធរខេត្តសៀមរាប បានបញ្ជាក់ថា ស្រុកអង្គរជុំ ក្លាយជាស្រុកគោលដៅមុនគេក្នុងខេត្ត ដែលបញ្ឈប់ការបន្ទោបង់ពាសវាលពាសកាលពេញលេញទាំងស្រុង នៅក្នុងដំណាច់ខែវិច្ឆិកា ឆ្នាំ២០២១ ។ ការលើកឡើងនេះ នៅក្នុងទិវាជាតិលើកកម្ពស់អនាម័យជនបទលើកទី១២ នៅស្រុកអង្គរជុំ ខេត្តសៀមរាប កាលពីថ្ងៃទី២៦ ខែវិច្ឆិកាកន្លងទៅ ។ 

លោក ង៉ាន់ ភិរុណ អភិបាលរងខេត្តសៀមរាប បានលើកឡើងថា ការលើកកម្ពស់អនាម័យនៅជនបទ គឺជាផ្នែកមួយដែលមិនអាចខ្វះបានសម្រាប់ប្រជាពលរដ្ឋនៅក្នុងខេត្ត ស្របទៅតាមគោលនយោបាយកាត់បន្ថយភាពក្រីក្ររបស់រាជរដ្ឋាភិបាលកម្ពុជា ។ ស្របគ្នានេះ រដ្ឋបាលខេត្តសៀមរាបកំពុងយកចិត្តទុកដាក់យ៉ាងខ្លាំងអភិវឌ្ឍន៍តាមមូលដ្ឋាន លើកកម្ពស់ការផ្គត់ផ្គង់ទឹកស្អាត និងអនាម័យជនបទទូទាំងខេត្ត ។

លោក ង៉ាន់ ភិរុណ បានបន្តថា ស្រុកអង្គជុំអត្រាអនាម័យបានគ្របដណ្តប់ ៩៩,៥៣ភាគរយ ពោលនៅសល់តែពលរដ្ឋចំនួន៧០ខ្នងផ្ទះប៉ុណ្ណោះដែលមិនទាន់មានបង្គន់អនាម័យបន្ទោរបង់ពាសវាលពាសកាល និងកំពុងប្រើបង្គន់អនាម័យរួមគ្នា ។

សូមជម្រាបថា កាលពីឆ្នាំ២០២០ កន្លងទៅ ខេត្តសៀមរាប មានអត្រាផ្គត់ផ្គង់ទឹកស្អាតមានរហូតដល់ទៅ ៧៥,៦០ភាគរយ និងអត្រាគ្របដណ្តប់អនាម័យមានចំនួន ៧៩,១០ភាគរយ ហើយនៅក្នុងឆ្នាំ ២០២១ ខេត្តសៀមរាប មានភូមិដែលបញ្ឈប់ការបន្ទោបង់ពាសវាលពាលកាលចំនួន ២៥៥ភូមិ និងឃុំមានចំនួន ១៥ឃុំ ៕

 

អត្ថបទពេញនិយម

រដ្ឋមន្ត្រីអភិវឌ្ឍន៍ជនបទលើកទឹកចិត្តឱ្យគ្រប់គ្នាគិតពីបរិក្ខាទឹកស្អាតនិងអនាម័យធន់នឹងការប្រែប្រួលអាកាសធាតុ

អង្គការ​​សំអា​តទន្លេសមុទ្រ តាំង​បង្ហាញស្នាដៃ​សិល្បៈដែល​កែច្នៃ​ពីសំ​រាម​ក្នុង​ទន្លេ

រដ្ឋម​ន្ត្រី​ប​រិស្ថា​ន​៖ កម្ពុជា​អាច​លក់​កាបូន​បាន ជារ​បត់ថ្មីមួយ​ដែល​អាចរ​កចំណូល​ពីការ​អភិរក្សធន​ធាន​ធម្មជាតិ

ក្រសួង​អភិវឌ្ឍន៍​ជនបទ រៀបចំការ​ប្រកួតប្រជែង​អត្ថបទ​លើប្រធានបទ ទឹកស្អាត អនាម័យ និងវិធី​បង្ការរោគ សម្រាប់​សិស្សថ្នាក់ទី​១២

សម្តេច​តេជោ ហ៊ុន សែន ស្នើឲ្យរដ្ឋមន្រ្តី​ការប​រទេស​អាស៊ាន បង្កើត​​កិច្ចព្រមព្រៀង​បៃតង​អា​ស៊ាន