អង្គការ​​សំអា​តទន្លេសមុទ្រ តាំង​បង្ហាញស្នាដៃ​សិល្បៈដែល​កែច្នៃ​ពីសំ​រាម​ក្នុង​ទន្លេ

ថ្ងៃព្រហស្បតិ៍ ទី០៨ ខែកញ្ញា​ ឆ្នាំ២០២២      Ratha
ចែករំលែក
Views: 485
1

ភ្នំពេញ៖ អង្គការសំអាតទន្លេសមុទ្រ កាលពីថ្ងៃ០៦ ខែកញ្ញា ឆ្នាំ២០២២ បានបើកពិព័រណ៌​​ស្នាដៃសិល្បៈ​ដែលបាន​កែច្នៃពីសំរាម ​ឲ្យមហា​ជន​ចូល​ទស្សនារយៈពេល​មួយ​ខែពេញ នៅMeta House ក្នុងខណ្ឌ​ដូន​ពេញ រាជធានីភ្នំ​ពេញ ។

កញ្ញា ភាព ច័ន្ទជាលីន ជំនួយការផ្នែកទីផ្សារអង្គការសំអាតទន្លេសមុទ្រ បានបញ្ជក់ថា ស្នាដៃ​សិល្បៈ​ដែលបានបង្កើតឡើង​ដោយស្ម័គ្រ​ចិត្តពីសំណាក់សិល្បៈ​ករខ្មែរ​ និងសិល្បៈករបរទេស គឺច្នៃពីសំរាមដែល​​អង្គការ​ប្រមូលចេញពីទន្លេសាប ទន្លេមេគង្គ និង​ទន្លេ​​បាសាក់។

កញ្ញា ភាព ច័ន្ទជាលីន ៖ ក្រុមការងារក៏មានគំនិតមួយ ដើម្បីរៀបចំការតាំងពិព័រណ៍នេះឡើង​ដើម្បីជា​សារ​បំផុស​គំនិតទៅ​ដល់ប្រជាជន​ខ្មែរយើងទូទាំងប្រទេសតែម្តង​ដើម្បីឲ្យយកចិត្តទុកដាក់​លើបញ្ហាសំរាម​ហើយ យើង​​អាចrecycle ឬការប្រើប្រាស់ឡើងវិញបាន ទៅតាម​លទ្ធភាពដែលធ្វើទៅបាន ជាពិសេស​​មួយទៀតចង់ចែកជូនសារទៅដល់បងប្អូនប្រជាពលរដ្ឋយើងឲ្យទុកដាក់សំរាមអោយ​បានត្រឹមត្រូវ​កុំបោះ​​ចោលសំរាម​ចូលទៅក្នុងទន្លេ ព្រោះទន្លេគឺជាប្រភពទឹកដ៏សំខាន់​ជាធនធានដ៏សំខាន់​សម្រាប់បងប្អូន​ប្រជាពលរដ្ឋទូទាំងប្រទេស​ ក៏ដូចជាប្រយោជន៍ទូទាំងប្រទេសជាតិយើងតែម្តង។

ស្នាដៃសិល្បៈដែលបានតាំងបង្ហាញសុទ្ធតែមានភាពទាក់ទាញ ដោយសិល្បៈករច្នែ​បង្កើត​ឡើង​ទៅតាម​ចំណងចំណូលចិត្ត និងអត្ថន័យ​យល់​ឃើញ​រៀងៗខ្លួន។ លោក សន ចាន់ដារ៉ា វ័យ២៧ឆ្នាំ ជាអ្នកធ្វើ​ការ​​​កា​រងារសង្គមដែលផ្តោតទៅលើសិទ្ធមនុស្ស និងបរិស្ថាន បានយក​សំរាម​មកច្នៃធ្វើជារូបអណ្ដើករាជ ដែលជាប្រភេទសត្វល្មូនកម្រ​​ជិត​ផុត​​ពូជ និងចាត់តាំងជានិមិត្តរូបនៃសត្វល្មូនជាតិ របស់កម្ពុជានិងផងដែរ។

"ការស្នើរសុំបង្កើតស្នាដៃសិល្បៈនេះឡើង ព្រោះខ្ញុំពិតជាចង់លើកទឹកចិត្តប្រជាជនកម្ពុជា ដែលមានអារម្មណ៍ឆ្គាំឆ្គង និងជា​ពិសេស​សម្រាប់​អ្នកនេសាទ កាត់បន្ថយឧបករណ៍នេសាទខុសច្បាប់ ដលប៉ះពាល់ដល់ក្រុមជីវិតសត្វសមុទ្រនិងជីវចម្រុះៗ។ ' នេះជាការបញ្ជាក់បន្ថែមរបស់ លោក សន ចាន់ដារ៉ា ។

លោក សន ចាន់ដារ៉ា ក៏បានរំពឹងថា តាមរយៈស្នាដៃសិល្បៈរបស់ខ្លួន នឹងក្លាយជាសារ​ជំរុញដល់​ប្រជាពលរដ្ឋ​គ្រប់រូបក្នុងការទុកដាក់សំរាម ឱ្យ​​​បាន​ត្រឹមត្រូវ និងលើកកម្ពស់​ដល់ការប្រើប្រាស់​និងកែច្នៃសំរាមឡើងវិញ ។

គួរបញ្ជាក់ថា ចាប់តាំងពីពាក់កណ្ដាលខែមីនា រហូតមកទល់ពេលនេះ អង្គការសំអាតទន្លេសមុទ្រ សហការជាមួយក្រសួងទេសចរណ៍ ក្រសួង​​បរិស្ថាន គណៈកម្មាធិការជាតិវាយតម្លៃទីក្រុងស្អាត សាលារាជ​ធានីភ្នំពេញ និងអង្គការដៃគូ បានប្រមូលសំរាមបាន​ប្រមាណ​ជាង​​១០០តោ​នចេញពី​ទន្លេសាប ទន្លេបាសាក់ និង ទន្លេមេគង្គ ក្រោមបេសកកម្មសំអាតទន្លេជាប្រវត្តិសាស្ត្រ ។

សំរាមទាំងអស់ដែលប្រមូលបានគឺបញ្ចូនទៅមជ្ឈមណ្ឌលគ្មានសំណល់ ដើម្បីញែកទៅតាមប្រភេទ សំរាមនីមួយៗ។ ចំពោះសំរាម​ដែល​កែ​ច្នៃបានអង្គការសហការជាមួយក្រុមហ៊ុនជាតិនិងអន្តរជាតិ ដើម្បីកែច្នៃឡើងវិញ ហើយចំពោះសំរាមដែលមិនអាចកែច្នៃបានគឺ បម្លែង​ជា​​ថាម​ពល​បម្រើដល់ផ​លិត​កម្ម ៕

 

 

អត្ថបទពេញនិយម

រដ្ឋមន្ត្រីអភិវឌ្ឍន៍ជនបទលើកទឹកចិត្តឱ្យគ្រប់គ្នាគិតពីបរិក្ខាទឹកស្អាតនិងអនាម័យធន់នឹងការប្រែប្រួលអាកាសធាតុ

អង្គការ​​សំអា​តទន្លេសមុទ្រ តាំង​បង្ហាញស្នាដៃ​សិល្បៈដែល​កែច្នៃ​ពីសំ​រាម​ក្នុង​ទន្លេ

រដ្ឋម​ន្ត្រី​ប​រិស្ថា​ន​៖ កម្ពុជា​អាច​លក់​កាបូន​បាន ជារ​បត់ថ្មីមួយ​ដែល​អាចរ​កចំណូល​ពីការ​អភិរក្សធន​ធាន​ធម្មជាតិ

ក្រសួង​អភិវឌ្ឍន៍​ជនបទ រៀបចំការ​ប្រកួតប្រជែង​អត្ថបទ​លើប្រធានបទ ទឹកស្អាត អនាម័យ និងវិធី​បង្ការរោគ សម្រាប់​សិស្សថ្នាក់ទី​១២

សម្តេច​តេជោ ហ៊ុន សែន ស្នើឲ្យរដ្ឋមន្រ្តី​ការប​រទេស​អាស៊ាន បង្កើត​​កិច្ចព្រមព្រៀង​បៃតង​អា​ស៊ាន