ប្រទេសជប៉ុនផ្តល់ហិរញ្ញប្បទានឥតសំណងជាង ២៥លានដុល្លារពង្រីកប្រព័ន្ធផ្គត់ផ្គង់ទឹកស្អាតនៅខេត្តស្វាយរៀង
1
ភ្នំពេញ - នៅក្នុងពិធីចុះហត្ថលេខាលើលិខិតប្ដូរសារសម្រាប់គម្រោងហិរញ្ញប្បទានឥតសំណងចំនួន០២ កាលពីថ្ងៃពុធម្សិលមិញ ជប៉ុនបានហិរញ្ញប្បទានឥតសំណងដែលមានទឹកប្រាក់ជាង ២៥លានបីសែនដុល្លារអាមេរិកដើម្បីពង្រីកប្រព័ន្ធផ្គត់ផ្គង់ទឹកស្អាតនៅខេត្តស្វាយរៀង ។ ពិធីចុះហត្ថលេខានេះ បានធ្វើឡើងរវាងឯកឧត្ដម ឯកអគ្គរាជទូតមិកាមិ ម៉ាសាហ៊ីរ៉ូ និង ឯកឧត្ដម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិ ។
ចំណែកគម្រោងហិរញ្ញប្បទានឥតសំណងមួយទៀត ផ្តល់ទៅលើសកម្មភាពបោសសម្អាតមីនប្រកបដោយសមាហរណកម្ម និងសង្រ្គោះជនពិការដោយសារមីន (ដំណាក់កាលទី២) ដែលមានទឹកប្រាក់ចំនួន ២ពាន់លានយេន ឬស្មើប្រមាណជាង ១៨លានពីរសែនដុល្លារអាមេរិក ។ នេះបើតាមព័ត៌មានពីស្ថានទូតជប៉ុនប្រចាំកម្ពុជា និងក្រសួងការបរទេសកម្ពុជា ៕
អត្ថបទថ្មីៗ
អត្ថបទពេញនិយម
