សមាគមអ្នកផ្គត់ផ្គង់ទឹកស្អាតកម្ពុជា ឧបត្ថម្ភប្រាក់ជាង ៧ពាន់ដុល្លារជួយបញ្ហាកូវីដ-១៩
ភ្នំពេញ - តាមរយ:ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ សមាគមអ្នកផ្គត់ផ្គង់ទឹកស្អាតកម្ពុជា បានឧបត្ថម្ភទឹកប្រាក់ប្រមាណជាង ៧ពាន់ដុល្លារ ជូនគណ:កម្មការជាតិប្រយុទ្ធនឹងជំងឺផ្លូវដង្ហើមកូវីដ-១៩ ដើម្បីចូលរួមចំណែកជួយដោះស្រាយបញ្ហាកូវីដ១៩ ជាមួយរាជរដ្ឋាភិបាល។
ពិធីប្រគល់និងទទួលប្រាក់ឧបត្ថម្ភខាងលើនេះ ធ្វើឡើងនៅទីស្តីការក្រសួងឧស្សាហកម្ម រវាងឯកឧត្ដមកិត្តិសេដ្ឋាបណ្ឌិត ចម ប្រសិទ្ធ ទេសរដ្ឋមន្រ្តី រដ្ឋមន្ត្រីក្រសួងឧស្សាហកម្ម និងលោក ឡេង ខៀវ ប្រធានក្រុមប្រឹក្សាភិបាលសមាគមអ្នកផ្គត់ផ្គង់ទឹកស្អាតកម្ពុជា នៅទីស្តីការក្រសួង នាព្រឹកថ្ងៃចន្ទ ទី២០ ខែមេសាកន្លងទៅ
សូមជម្រាបថា សមាគមអ្នកផ្គត់ផ្គង់ទឹកស្អាតកម្ពុជា បានផ្តួចផ្តើមរៃអង្គាសប្រាក់តាមគោលការណ៍ស្ម័គ្រចិត្តក្នុងក្របខ័ណ្ឌរបស់សមាគម ដោយចាប់ផ្តើមពីថ្ងៃ២៨ ខែមីនា ដល់ថ្ងៃទី១៣ ខែមេសា ឆ្នាំ២០២០។ ជាលទ្ធផល សមាគមទទួលបានទឹកប្រាក់សរុបចំនួន ៦.៤១៥ដុល្លារសហរដ្ឋអាមេរិក និងប្រាក់រៀលចំនួន ៥.២៣៨.០០០រៀល សម្រាប់ចូលរួមជាមួយរាជរដ្ឋាភិបាលក្នុងការទប់ស្កាត់និងដោះស្រាយបញ្ហាជំងឺរលាកផ្លូវដង្ហើមកូវីដ-១៩ ៕
អត្ថបទថ្មីៗ
អត្ថបទពេញនិយម
