លោកស្រី ជុំ ស៊ីណាត ៖ វត្តមានអ្នកដឹកនាំស្ត្រីចាំបាច់ក្នុងវិស័យទឹកស្អាត និងអនាម័យប្រកបដោយបរិយាបន្ន

ថ្ងៃសៅរ៍ ទី១០ ខែកញ្ញា​ ឆ្នាំ២០២២      ម៉ៅ សំណាង
ចែករំលែក
Views: 375
1

ខេត្តកណ្តាល - នៅក្នុងវគ្គបណ្តុះបណ្តាលស្តីពីការលើកកម្ពស់ភាពជាអ្នកដឹកនាំរបស់ស្ត្រីឆ្នើមក្នុងវិស័យទឹកស្អាត និងអនាម័យប្រកបដោយបរិយាបន្ន កាលពីថ្ងៃព្រហស្បត្តិ៍កន្លងទៅ ប្រធានមន្ទីរកិច្ចការនារីខេត្តកណ្តាល បានចាត់ទុកវត្តមានអ្នកដឹកនាំស្ត្រីចាំបាច់ក្នុងវិស័យទឹកស្អាត និងអនាម័យប្រកបដោយបរិយាប័ន្ន។ អ្នកដឹកនាំស្ត្រីកំពុងចូលរួមសកម្មដោះស្រាយបញ្ហាទឹក និងអនាម័យ ដែលជាកិច្ចការច្បងនិងមិនអាចខ្វះបានសម្រាប់លើកកម្ពស់សុខុមាលភាពប្រជាជន។ 

 

 

លោកស្រី ជុំ ស៊ីណាត ប្រធានមន្ទីរកិច្ចការនារី ខេត្តកណ្តាល បានលើកឡើងថា ការលើកកម្ពស់ភាពជាអ្នកដឹកនាំរបស់ស្រ្តីឆ្នើមក្នុងវិស័យទឹកស្អាត និងអនាម័យប្រកបដោយបរិយាប័ន្ន ជាកិច្ចការលើកកម្ពស់សមភាពយេនឌ័រនៅកម្ពុជាឱ្យកាន់តែប្រសើរឡើង។ ទន្ទឹមគ្នានេះ អ្នកដឹកនាំស្ត្រីដើរតួនាទីយ៉ាងសំខាន់រាល់កិច្ចការទាំងថ្នាក់ជាតិ និងថ្នាក់ក្រោមជាតិ។ 

 

លោកស្រីប្រធានមន្ទីរកិច្ចការនារី ខេត្តកណ្តាល បានបន្តទៀតថា យោងតាមផែនការយុទ្ធសាស្ត្រនារីរតនៈទី៥ របស់ក្រសួងកិច្ចការនារី និងយុទ្ធសាស្ត្រចតុកោណដំណាក់កាលទី៤ បានកំណត់ថា រាជរដ្ឋាភិបាលកម្ពុជាបន្តលើកកម្ពស់តួនាទីស្ត្រីតាមរយៈការបង្កើនសមាមាត្រ និងការពង្រឹងសមត្ថភាពស្ត្រីក្នុងជួរថ្នាក់ដឹកនាំទាំងថ្នាក់ជាតិ និងថ្នាក់ក្រោមជាតិ។

 

 

សូមជម្រាបថា ការលើកឡើងរបស់លោកស្រី ជុំ ស៊ីណាត ប្រធានមន្ទីរកិច្ចការនារី ខេត្តកណ្តាល នៅវគ្គបណ្តុះបណ្តាលស្តីពីការលើកកម្ពស់ភាពជាអ្នកដឹកនាំរបស់ស្ត្រីឆ្នើមក្នុងវិស័យទឹកស្អាត និងអនាម័យប្រកបដោយបរិយាបន្ន ប្រព្រឹត្តទៅនៅមន្ទីរអភិវឌ្ឍន៍ជនបទខេត្តកណ្តាល កាលពីថ្ងៃព្រហស្បត្តិ៍កន្លងទៅ ក្រោមវត្តមានលោកជំទាវ នួន នារតី សមាជិកក្រុមប្រឹក្សាខេត្ត និងជាប្រធាន គ.... ខេត្តកណ្តាល និងលោកស្រី ជី ថាវី ប្រធានមន្ទីរអភិវឌ្ឍន៍ជនបទ ខេត្តកណ្តាល ព្រមទាំងស្ត្រីថ្នាក់ដឹកនាំមកពីបណ្តាលស្រុកនានានៅខេត្តកណ្តាល៕ 

 

អត្ថបទពេញនិយម

រដ្ឋមន្ត្រីអភិវឌ្ឍន៍ជនបទលើកទឹកចិត្តឱ្យគ្រប់គ្នាគិតពីបរិក្ខាទឹកស្អាតនិងអនាម័យធន់នឹងការប្រែប្រួលអាកាសធាតុ

អង្គការ​​សំអា​តទន្លេសមុទ្រ តាំង​បង្ហាញស្នាដៃ​សិល្បៈដែល​កែច្នៃ​ពីសំ​រាម​ក្នុង​ទន្លេ

រដ្ឋម​ន្ត្រី​ប​រិស្ថា​ន​៖ កម្ពុជា​អាច​លក់​កាបូន​បាន ជារ​បត់ថ្មីមួយ​ដែល​អាចរ​កចំណូល​ពីការ​អភិរក្សធន​ធាន​ធម្មជាតិ

ក្រសួង​អភិវឌ្ឍន៍​ជនបទ រៀបចំការ​ប្រកួតប្រជែង​អត្ថបទ​លើប្រធានបទ ទឹកស្អាត អនាម័យ និងវិធី​បង្ការរោគ សម្រាប់​សិស្សថ្នាក់ទី​១២

សម្តេច​តេជោ ហ៊ុន សែន ស្នើឲ្យរដ្ឋមន្រ្តី​ការប​រទេស​អាស៊ាន បង្កើត​​កិច្ចព្រមព្រៀង​បៃតង​អា​ស៊ាន