ទិវាសុវត្ថិភាពស្បៀងពិភពលោក ៖ ជំងឺជាង២០០ ប្រភេទកើតដោយសារការបរិភោគចំណីអាហារគ្មានសុវត្ថិភាព

ថ្ងៃព្រហស្បតិ៍ ទី៣០ ខែមិថុនា​ ឆ្នាំ២០២២      ម៉ៅ សំណាង
ចែករំលែក
Views: 385
1

ភ្នំពេញ - ជំងឺបណ្តាលមកពីចំណីអាហារជាបញ្ហាប្រឈមសុខភាពសាធារណៈដ៏ធ្ងន់ធ្ងរមួយរបស់ពិភពលោក។ ជំងឺជាង២០០ ប្រភេទផ្សេងគ្នាមានទំនាក់ទំនងផ្ទាល់ទៅនឹងការបរិភោគចំណីអាហារដែលមានផ្ទុកបាក់តេរី វីរុស ប៉ារ៉ាស៊ីត និងសារធាតុគីមីជាដើម ។ នេះបើតាមខ្លឹមសារនៃទិវាសុវត្ថិភាពស្បៀងអាហារពិភពលោក ធ្វើឡើងក្រោមប្រធានបទ “ អាហារកាន់តែមានសុវត្ថិភាព សុខភាពកាន់តែល្អប្រសើរ" បានប្រព្រឹត្តទៅនៅព្រឹកថ្ងៃព្រហស្បតិ៍នេះ ។ 

 

 

 

ទិន្នន័យរបស់អង្គការសុខភាពពិភពលោក (WHO) បង្ហាញថា ជំងឺបណ្តាលមកពីអាហារបង្កឱ្យមានមនុស្សស្លាប់ប្រមាណ ៤ម៉ឺនពីរពាន់នាក់នៅលើសាកលលោកក្នុងមួយឆ្នាំៗ ជាពិសេសកុមារដែលមានអាយុក្រោម ៥ឆ្នាំ និងប្រជាជនដែលមានប្រាក់ចំណូលទាប។ តំបន់អាហ្រ្វិកនិងអាស៊ីអាគ្នេយ៍ មានឧប្បត្តិហេតុនិងអត្រាស្លាប់ខ្ពស់ជាងគេ។ កត្តានេះ ឆ្លុះបញ្ចាំងអំពីតម្រូវការបន្ទាន់ក្នុងការធានាឱ្យបាននូវសុវត្ថិភាពស្បៀងអាហារ។  

 

ជំងឺបណ្តាលមកពីអាហារអាចបង្កឱ្យមានរោគសញ្ញារយៈពេលខ្លី ដូចជា ក្អួតចង្អោរ និងរាក (ជាទូទៅហៅថាការពុលអាហារ) ប៉ុន្តែវាក៏អាចបណ្តាលឱ្យមានជំងឺរយៈពេលវែងដូចជាជំងឺមហារីក ជំងឺតម្រង នោម បញ្ហាថ្លើម ជំងឺខួរក្បាល និងជំងឺសរសៃប្រសាទ។ ជំងឺទាំងនេះ អាចមានសភាពធ្ងន់ធ្ងរចំពោះកុមារ ស្ត្រីមាន ផ្ទៃពោះ និងមនុស្សវ័យចំណាស់ ឬអ្នកមានប្រព័ន្ធការពាររាងកាយខ្សោយ។ 

 

កុមារដែលធ្លាប់ឆ្លងកាត់ជំងឺ បណ្តាលមកពីអាហារ អាចទទួលរងផលវិបាកធ្ងន់ធ្ងរដូចជា ការពន្យាការអភិវឌ្ឍរាងកាយ និងខួរក្បាល ដែលកត្តានេះនឹងប៉ះពាល់ដល់គុណភាពជីវិតរបស់ពួកគេជាអចិន្ត្រៃយ៍។ ជំងឺបណ្តាលមកពីអាហារ ជាជំងឺដែលអាចការពារបាន។ 

 

សូមជម្រាបថា ទិវាសុវត្ថិភាពស្បៀងអាហារពិភពលោកឆ្នាំនេះ ប្រារព្ធឡើងគោលបំណងលើកកម្ពស់ការយល់ដឹងជាសាធារណៈអំពីបញ្ហាសុវត្ថិភាពស្បៀងអាហារ និងដើម្បីបង្កើនការទទួលស្គាល់សារៈសំខាន់សុវត្ថិភាពស្បៀងអាហារ សំដៅធានាការការពារដល់អ្នកបរិភោគ និងការអភិវឌ្ឍវិស័យឧស្សាហកម្មចំណីអាហារនៅក្នុងប្រទេសកម្ពុជា ៕

 

អត្ថបទពេញនិយម

រដ្ឋមន្ត្រីអភិវឌ្ឍន៍ជនបទលើកទឹកចិត្តឱ្យគ្រប់គ្នាគិតពីបរិក្ខាទឹកស្អាតនិងអនាម័យធន់នឹងការប្រែប្រួលអាកាសធាតុ

អង្គការ​​សំអា​តទន្លេសមុទ្រ តាំង​បង្ហាញស្នាដៃ​សិល្បៈដែល​កែច្នៃ​ពីសំ​រាម​ក្នុង​ទន្លេ

រដ្ឋម​ន្ត្រី​ប​រិស្ថា​ន​៖ កម្ពុជា​អាច​លក់​កាបូន​បាន ជារ​បត់ថ្មីមួយ​ដែល​អាចរ​កចំណូល​ពីការ​អភិរក្សធន​ធាន​ធម្មជាតិ

ក្រសួង​អភិវឌ្ឍន៍​ជនបទ រៀបចំការ​ប្រកួតប្រជែង​អត្ថបទ​លើប្រធានបទ ទឹកស្អាត អនាម័យ និងវិធី​បង្ការរោគ សម្រាប់​សិស្សថ្នាក់ទី​១២

សម្តេច​តេជោ ហ៊ុន សែន ស្នើឲ្យរដ្ឋមន្រ្តី​ការប​រទេស​អាស៊ាន បង្កើត​​កិច្ចព្រមព្រៀង​បៃតង​អា​ស៊ាន