ភ្នំពេញ - វិធានការបដិសេដ (Refuse) វិធានការកាត់បន្ថយ (Reduce) វិធានការប្រើប្រាស់ឡើងវិញ (Reuse) និងវិធានការកែច្នៃ (Recycle) ទាំងនេះជាគោលការណ៍ 4Rs កំពុងដើរតួនាទីចម្បងកាត់បន្ថយការប្រើប្រាស់ប្លាស្ទិកនៅកម្ពុជា ។ នេះបើតាមមន្ត្រីជំនាញនៃក្រសួងបរិស្ថាន បានបញ្ជាក់ក្នុងឱកាសចាប់ផ្តើមអនុវត្តគម្រោង “កាត់បន្ថយការប្រើប្រាស់ប្លាស្ទិក” នៅកម្ពុជា កាលពីថ្ងៃទី០៩ ខែធ្នូកន្លងទៅ ។ 

ទន្ទឹមគ្នានេះ ឯកឧត្តម ជួប ប៉ារីស៍ អគ្គនាយកនៃអគ្គនាយកដ្ឋានចំណេះដឹង និងព័ត៌មានបរិស្ថាន មានប្រសាសន៍ថា កម្មវិធីប្រកួតប្រជែងគំនិតច្នៃប្រតិដ្ឋ "យុទ្ធនាការកាត់បន្ថយប្លាស្ទិក" នឹងចូលរួមដល់នឹងកិច្ចខិតខំប្រឹងប្រែងរបស់ក្រសួងដែលបានធ្វើកន្លងមក និងដើម្បីបំផុសគំនិតច្នៃប្រតិដ្ឋនានាពីសាធារណជនទប់ស្តាត់ការបំពុលប្លាស្ទិក ។

សូមជម្រាបថា ការទទួលយកពាក្យប្រកួតប្រជែងគំនិតច្នៃប្រតិដ្ឋ "យុទ្ធនាការកាត់បន្ថយប្លាស្ទិក" ចាប់ពីថ្ងៃសម្ពោធជាផ្លូវការ ផុតកំណត់ទទួលពាក្យនៅថ្ងៃទី៣១ ខែធ្នូ ឆ្នាំ២០២១ ។ បេក្ខជនអាចដាក់ពាក្យជាមួយនឹងគំនិតលើសពីមួយបាន ដោយផ្ញើជាសំណួរ ឬដាក់ពាក្យជាភាសាខ្មែរ ឬអង់គ្លេស តាមរយៈ beatplastic@undp.org ៕