រដ្ឋមន្ត្រីសុខាភិបាលណែនាំដល់មន្ត្រីក្រោមឱវាទឱ្យខិតខំបំពេញការងារប្រកបដោយទំនួលខុសត្រូវ

ថ្ងៃច័ន្ទ ទី២២ ខែមេសា​ ឆ្នាំ២០២៤      ម៉ៅ សំណាង
ចែករំលែក
Views: 44
1

ភ្នំពេញ - ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រី ក្រសួងសុខាភិបាល បានណែនាំដល់ថ្នាក់ដឹកនាំ មន្ត្រី បុគ្គលិកទាំងអស់ត្រូវខិតខំបំពេញការងារប្រកបដោយទំនួលខុសត្រូវ ដើម្បីបំពេញភាពខ្វះចន្លោះឱ្យមានភាពល្អប្រសើរ ។ ឯកឧត្តមរដ្ឋមន្ត្រីបានលើកឡើងនៅថ្ងៃចន្ទនេះ នៅក្នុងឱកាសប្រជុំកម្រិតថ្នាក់ដឹកនាំក្រសួង និងប្រធានមន្ទីរសុខាភិបាលរាជធានីខេត្តទាំងអស់ លើកទី២ ប្រចាំខែមេសា ដើម្បីពិនិត្យវឌ្ឍនភាពការងារ និងលើកទិសដៅការងារបន្ត នៅទីស្តីការក្រសួងសុខាភិបាល ។

 

ទន្ទឹមគ្នានេះដែរ ឯកឧត្តមសាស្រ្តាចារ្យរដ្ឋមន្រ្តីបានណែនាំដល់ថ្នាក់ដឹកនាំកម្រិតអគ្គនាយកដ្ឋាន ជាពិសេសកម្រិតនាយកដ្ឋានជំនាញ ត្រូវតែមានការជួបប្រជុំក្រុមការងារឱ្យបានពីរដងក្នុងមួយសប្តាហ៍ក្នុងការដាក់ចេញផែនការ និងពិនិត្យវឌ្ឍនភាពការងារជាប្រចាំ ដើម្បីអនុវត្តការងារឱ្យបានគ្រប់ជ្រុងជ្រោយនូវទស្សនវិស័យរបស់ក្រសួងសុខាភិបាល ស្របតាមយុទ្ធសាស្ត្របញ្ចកោណរបស់រាជរដ្ឋាភិបាលអាណត្តិទី៧ ។ 

 

តាមរយៈកិច្ចប្រជុំខាងលើនេះ ឯកឧត្តមរដ្ឋមន្រ្តីសុខាភិបាល បានក្រើនរំលឹកដល់ថ្នាក់ដឹកនាំត្រូវត្រៀមខ្លួនឆ្លើយតបជាមួយតម្រូវការរបស់ប្រជាពលរដ្ឋទាក់ទងនឹងជំងឺឆ្លង សុខភាពសាធារណៈ ព្រមទាំងបង្កើនការផ្សព្វផ្សាយសារអប់រំសុខភាព រហូតដល់កាត់បន្ថយជំងឺរ៉ាំរ៉ៃនានា ដែលអាចបណ្តាលឱ្យប៉ះពាល់ដល់សេដ្ឋកិច្ចគ្រួសារ និងតាមដានការងារទប់ស្កាត់ជំងឺឆ្លង ដូចជា ជំងឺអេដស៍ និងជំងឺគ្រុនចាញ់ជាដើម ៕

 

 

 

អត្ថបទពេញនិយម

រដ្ឋមន្ត្រីអភិវឌ្ឍន៍ជនបទលើកទឹកចិត្តឱ្យគ្រប់គ្នាគិតពីបរិក្ខាទឹកស្អាតនិងអនាម័យធន់នឹងការប្រែប្រួលអាកាសធាតុ

អង្គការ​​សំអា​តទន្លេសមុទ្រ តាំង​បង្ហាញស្នាដៃ​សិល្បៈដែល​កែច្នៃ​ពីសំ​រាម​ក្នុង​ទន្លេ

រដ្ឋម​ន្ត្រី​ប​រិស្ថា​ន​៖ កម្ពុជា​អាច​លក់​កាបូន​បាន ជារ​បត់ថ្មីមួយ​ដែល​អាចរ​កចំណូល​ពីការ​អភិរក្សធន​ធាន​ធម្មជាតិ

ក្រសួង​អភិវឌ្ឍន៍​ជនបទ រៀបចំការ​ប្រកួតប្រជែង​អត្ថបទ​លើប្រធានបទ ទឹកស្អាត អនាម័យ និងវិធី​បង្ការរោគ សម្រាប់​សិស្សថ្នាក់ទី​១២

សម្តេច​តេជោ ហ៊ុន សែន ស្នើឲ្យរដ្ឋមន្រ្តី​ការប​រទេស​អាស៊ាន បង្កើត​​កិច្ចព្រមព្រៀង​បៃតង​អា​ស៊ាន

អត្ថបទដែលទាក់ទង