ក្រសួង​អភិវឌ្ឍន៍​ជនបទ រៀបចំការ​ប្រកួតប្រជែង​អត្ថបទ​លើប្រធានបទ ទឹកស្អាត អនាម័យ និងវិធី​បង្ការរោគ សម្រាប់​សិស្សថ្នាក់ទី​១២

ថ្ងៃអង្គារ៍ ទី១៩ ខែមិនា​ ឆ្នាំ២០២៤      Ratha
ចែករំលែក
Views: 609
1

ភ្នំពេញ៖ ក្រសួងអភិវឌ្ឍន៍ជនបទ(MRD) បានសហការជាមួយ សាកលវិទ្យាល័យ​អន្តរជាតិ (IU) និងអង្គការ​​វ័ត​ធឺអែត (WaterAid Cambo​dia) រៀបចំ​កម្មវិធី​ប្រកួតប្រជែង​លើប្រធានបទ ទឹកស្អាត អនាម័យ និងវិធីបង្ការរោគ សម្រាប់សិស្សថ្នាក់ទី១២ទាំងគ្រឹះស្ថានសិក្សារដ្ឋ និងឯក​ជនទាំងអស់​នៅទូទាំង​ប្រទេស​។

ក្រសួងអភិវឌ្ឍន៍ជនបទ បានឲ្យ​​ដឹងថា គោលបំណងនៃកម្មវិធីប្រកួតប្រជែង គឺដើម្បីបង្កើនការយល់ដឹង និងលើកទឹកចិត្តសិស្ស ស្តីពីសុខភាព អនាម័យ ទឹកស្អាត និងវិធីបង្ការរោគក្នុងសហគមន៍ នៅគ្រឹះស្ថាន​សិក្សាតាមរយៈ​ការសិក្សា ស្រាវជ្រាវ និងផ្តល់ឱកាសឱ្យយុវជនបញ្ចេញ​​សមត្ថ​​ភាព​​​ក្នុងការ​​និយាយជា​​សាធារណៈ។

ក្រសួងអភិវឌ្ឍន៍ជនបទ បានឲ្យដឹងទៀតថា សម្រាប់ជ័យលាភីលេខ១ ទទួលបានអាហារូបករណ៍ ១០០ភាគរយ រួមជាមួយថវិកាលើកទឹក​ចិត្ត​ចំនួន ៣លា​ន​​រៀល និងប័ណ្ណសរសើរលេខ២ ទទួលបាន​អាហារូបករណ៍ ៨០ភាគរយ រួមជាមួយថវិកាលើក ទឹក​ចិត្ត​ចំនួន ២ លានរៀល និង​ប័ណ្ណ​សរសើរ​លេខ៣ ទទួលបានអាហារូបករណ៍ ៧០ភាគរយ រួមជាមួយថវិកាលើកទឹកចិត្តចំនួន ១ លានរៀល និងប័ណ្ណសរសើរ សម្រាប់​ក្រុម​​​ដែល​មិនជាប់ជ័យ​លាភីទទួលបានថវិកាលើកទឹកចិត្តចំនួន៦០ម៉ឺនរៀល រួមជាមួយអាហារូបករណ៍៥០ភាគរយ។ សម្រាប់​អាហា​​រូបក​រណ៍​​ដែលនឹងផ្តល់ជូនមាន៤មុខជំនាញ គឺ អភិវឌ្ឍន៍ ជនបទ អនាម័យនិងការបង្ការរោគ សុខភាពសហគមន៍ និងសុខភាពបរិស្ថាន។

គួរបញ្ជាក់​ថា កម្មវិធីប្រកួតប្រជែងនេះ នឹងបែងចែក​ខេត្តនីមួយៗទៅតាមតំបន់រួមមាន ១.តំបន់ឆ្នេរ៖ កំពត កែប កោះកុង ព្រះសីហនុ និង​​កំពង់​​ស្ពឺ ២.តំបន់ទន្លេសាប៖ បាត់ដំបង ពោធិ៍សាត់ សៀមរាប ប៉ៃលិន ឧត្តរមានជ័យ ព្រះវិហារ បន្ទាយមានជ័យ និង កំពង់ធំ ៣.តំបន់​ទំនាប​​​កណ្តា​ល៖ កំពង់ឆ្នាំង កំពង់ចាម ត្បូងឃ្មុំ កណ្ដាល ភ្នំពេញ ព្រៃវែង និងស្វាយរៀង និង៤.តំបន់ឦសានៈ ក្រចេះ ស្ទឹងត្រែង រតនៈគីរី និងមណ្ឌលគិរី ។

ប្រកួតប្រជែង មានការផ្សាយបន្តផ្ទាល់នៅលើបណ្តាញសង្គម​ហ្វេកបុក (Facebook) របស់​សាកល​​វិទ្យា​ល័យអន្តរជាតិ(IU) ដើម្បី​ជ្រើសរើស​​ជ័យ​​លាភី ដែលនឹងប្រព្រឹត្តទៅនៅថ្ងៃទី២៣ ខែកញ្ញា ឆ្នាំ២០​​២២ នៅទីស្តី​ការក្រសួងអភិវឌ្ឍន៍ជនបទ ក្រោមអធិបតីភាព ឯកឧត្តមបណ្ឌិត សភា​​ចារ្យរដ្ឋមន្ត្រី ក្រសួងអភិវឌ្ឍន៍ជនបទ៕

 

អត្ថបទពេញនិយម

រដ្ឋមន្ត្រីអភិវឌ្ឍន៍ជនបទលើកទឹកចិត្តឱ្យគ្រប់គ្នាគិតពីបរិក្ខាទឹកស្អាតនិងអនាម័យធន់នឹងការប្រែប្រួលអាកាសធាតុ

អង្គការ​​សំអា​តទន្លេសមុទ្រ តាំង​បង្ហាញស្នាដៃ​សិល្បៈដែល​កែច្នៃ​ពីសំ​រាម​ក្នុង​ទន្លេ

រដ្ឋម​ន្ត្រី​ប​រិស្ថា​ន​៖ កម្ពុជា​អាច​លក់​កាបូន​បាន ជារ​បត់ថ្មីមួយ​ដែល​អាចរ​កចំណូល​ពីការ​អភិរក្សធន​ធាន​ធម្មជាតិ

ក្រសួង​អភិវឌ្ឍន៍​ជនបទ រៀបចំការ​ប្រកួតប្រជែង​អត្ថបទ​លើប្រធានបទ ទឹកស្អាត អនាម័យ និងវិធី​បង្ការរោគ សម្រាប់​សិស្សថ្នាក់ទី​១២

សម្តេច​តេជោ ហ៊ុន សែន ស្នើឲ្យរដ្ឋមន្រ្តី​ការប​រទេស​អាស៊ាន បង្កើត​​កិច្ចព្រមព្រៀង​បៃតង​អា​ស៊ាន