សម្តេច​តេជោ ហ៊ុន សែន ស្នើឲ្យរដ្ឋមន្រ្តី​ការប​រទេស​អាស៊ាន បង្កើត​​កិច្ចព្រមព្រៀង​បៃតង​អា​ស៊ាន

ថ្ងៃពុធ ទី០៣ ខែសីហា​ ឆ្នាំ២០២២      Ratha
ចែករំលែក
Views: 424
1

ភ្នំពេញ៖ ពីក្នុងពិធីបើកកិច្ចប្រជុំរដ្ឋមន្រ្តីការបរទេសអាស៊ានលើកទី៥៥ និងកិច្ចប្រជុំពាក់ព័ន្ធ នៅថ្ងៃទី០៣ ខែ​សីហា ឆ្នាំ២០២២ សម្តេចតេជោ ហ៊ុន សែន នាយក​រដ្ឋមន្រ្តីនៃព្រះរាជាណាច​ក្រកម្ពុជា និងជា​ប្រធានអាស៊ាន បានជំរុញ​ឲ្យរដ្ឋមន្រ្តីការបរទេស​អាស៊ានពិនិត្យពិចារណានិងផ្តល់ការគាំទ្រដល់​ការឆ្លើយត​បនឹងកា​រប្រែប្រួល​អាកាសធាតុ និងការខូច​ខាតផ្នែកបរិស្ថាន។

សម្តេចតេជោ ហ៊ុន សែន បានហៅគំនិតផ្តួចផ្តើមអាស៊ាននេះ ថាកិច្ចព្រមព្រៀងបៃតងអាស៊ាន (ASEAN Green Deal) សំដៅអនុញ្ញាតឱ្យតំបន់អាចប្រែប្រួលបន្តិចម្តងៗ ឆ្ពោះទៅកាន់អនាគត បៃតងមួយ ដែលមានចីរភាព ការប្រើប្រាស់ធនធាន ប្រកបដោយប្រសិទ្ធភាព ភាពធន់ និងភាពប្រកួត ប្រជែងក្នុងផ្នែកសេដ្ឋកិច្ច។ 

សម្តេចតេជោ ហ៊ុន សែន បានបន្ថែមថា កិច្ចព្រមព្រៀងបៃតង នេះ នឹងអាច គ្របដណ្តប់ទៅលើវិស័យជាច្រើន ដូចជាហេដ្ឋារចនាសម្ព័ន្ធ ថាមពល កម្មន្តសាល ការប្រើសប្រាស់ កសិកម្ម ការដឹកជញ្ជូន បរិស្ថាន និងហិរញ្ញវត្ថុ ដោយមានបច្ចេកវិទ្យា នវានុវត្តន៍ និងការកែច្នៃ ដើម្បីប្រើសប្រាស់ឡើងវិញ បំពេញតួនាទីជាកត្តាជំរុញ។

សូមជម្រាបថា នៅក្នុងឱកាសអញ្ជើញជាអធិបតី បើកកិច្ចប្រជុំរដ្ឋមន្រ្តីការបរទេសអាស៊ាន លើកទី៥៥ និងកិច្ចប្រជុំពាក់ព័ន្ធ នៅរាជធានីភ្នំពេញ នាថ្ងៃទី៣ ខែសីហា ឆ្នាំ២០២២ សម្តេច​តេ​ជោ ហ៊ុន សែន បានលើកឡើងគំនិតផ្តួចផ្តើមចំនួន២សំខាន់ រួមមាន ទី១ គឺការដោះស្រាយ​ចំពោះការ​គំរាម​កំហែងដល់ភាពរស់រាននជីវិត នៅក្នុងតំបន់ និងពិភពលោក ដែលបង្កឡើងដោយការ​ប្រែប្រួលអាកាសធាតុ និង​ការ​​ខូចខាត ផ្នែកបរិស្ថាន និងទី២គឺពាក់ព័ន្ធនឹងវិធានការ ដើម្បីស្តារ និងងើប​ចេញពីផលប៉ះពាល់ន ជំងឺកូវីដ-១៩ ប្រកប​ដោយប្រសិទ្ធភាព ។

គួរបញ្ជាក់ថា ប្រទេសកម្ពុជាងាយរងគ្រោះខ្លាំងពីការប្រែប្រួលអាកាសធាតុ ដូចប្រទេសមួយចំនួនក្នុងតំបន់ ហើយសកម្មភាពបន្ស៊ាំដើរតួនាទីយ៉ាងសំខាន់ក្នុងការកាត់បន្ថយភាពងាយរងគ្រោះទៅនឹងការប្រែ​ប្រួលអាកាស​ធាតុ និងចូលរួមលើកកម្ពស់ជីវភាពប្រជាជន។ 

លទ្ធផលសំខាន់ៗនៃកិច្ចប្រជុំកំពូលលើកទី២៦ នៃបណ្តាភាគីអនុសញ្ញាក្របខ័ណ្ឌសហប្រជាតិស្តីពីការប្រែប្រួលអាកាសធាតុ (COP26)ក៏បង្ហាញពីអាទិភាពនៃសកម្មភាពបន្ស៊ាំ​​និងជា​ពិសេស​ការសន្យា​និង​គៀរករ​ថវិកាពីប្រទេ​សអភិវឌ្ឍន៍​សម្រាប់អនុវត្ត​សកម្មភាព​បន្ស៊ាំ។  ជាមួយគ្នានេះ កម្ពុជាមានការប្តេជ្ញាខ្ពស់ចំពោះការឆ្លើយតបនឹងការប្រែប្រួលអាកាស​ធាតុ ហើយបានដាក់បញ្ចូលនូវ​សកម្មភាពបៃតងនិង​អាកាស​ធាតុ ចំនួន១៣ ទៅក្នុងយុទ្ធ​សាស្ត្រអភិវឌ្ឍន៍  និងការស្តារសេដ្ឋ​កិច្ចឡើងវិញ​ក្រោយ កូវីដ-១៩៕

 

អត្ថបទពេញនិយម

រដ្ឋមន្ត្រីអភិវឌ្ឍន៍ជនបទលើកទឹកចិត្តឱ្យគ្រប់គ្នាគិតពីបរិក្ខាទឹកស្អាតនិងអនាម័យធន់នឹងការប្រែប្រួលអាកាសធាតុ

អង្គការ​​សំអា​តទន្លេសមុទ្រ តាំង​បង្ហាញស្នាដៃ​សិល្បៈដែល​កែច្នៃ​ពីសំ​រាម​ក្នុង​ទន្លេ

រដ្ឋម​ន្ត្រី​ប​រិស្ថា​ន​៖ កម្ពុជា​អាច​លក់​កាបូន​បាន ជារ​បត់ថ្មីមួយ​ដែល​អាចរ​កចំណូល​ពីការ​អភិរក្សធន​ធាន​ធម្មជាតិ

ក្រសួង​អភិវឌ្ឍន៍​ជនបទ រៀបចំការ​ប្រកួតប្រជែង​អត្ថបទ​លើប្រធានបទ ទឹកស្អាត អនាម័យ និងវិធី​បង្ការរោគ សម្រាប់​សិស្សថ្នាក់ទី​១២

សម្តេច​តេជោ ហ៊ុន សែន ស្នើឲ្យរដ្ឋមន្រ្តី​ការប​រទេស​អាស៊ាន បង្កើត​​កិច្ចព្រមព្រៀង​បៃតង​អា​ស៊ាន