កុមារកម្ពុជា ៣២នាក់ក្នុងចំណោម ១០០នាក់មានបញ្ហាកង្វះអាហារូបត្ថម្ភ

ថ្ងៃច័ន្ទ ទី២៧ ខែធ្នូ​ ឆ្នាំ២០២១      ម៉ៅ សំណាង
ចែករំលែក
Views: 436
1

ភ្នំពេញ - លោក ហ៊ូ ក្រើន នាយករងអង្គការ ហេទ្បែន ខេលល័រ អន្តរជាតិបានបញ្ជាក់ថា អាហារូបត្ថម្ភមានសារសំខាន់ណាស់លើការលូតលាស់និងការអភិវឌ្ឍន៍របស់ទារកនិងកុមារ។ អនុវត្តការចិញ្ចឹមទារកនិងកុមារបានពេញលេញ គឺធានាឱ្យមានអាហារូបត្ថម្ភល្អប្រសើរ ។ លោកថា កន្លងទៅកុមារកម្ពុជា ៣២នាក់ក្នុងចំណោម ១០០នាក់មានបញ្ហាកង្វះអាហារូបត្ថម្ភ។ 

 

នាយករងអង្គការ ហេទ្បែនខេលល័រ អន្តរជាតិ មានប្រសាសន៍បន្តថា ភស្តុតាងវិទ្យាសាស្រ្តបញ្ចាក់ច្បាស់ថាការបំបៅកូន ដោយទឹកដោះម្តាយភ្លាមអំឡុងម៉ោងដំបូងបន្ទាប់ពីសម្រាលរួចអាចទប់ស្កាត់មរណភាពទារកបានប្រហែល២០% ។ កុមារដែលបានទទួលការបំបៅដោយទឹកដោះម្តាយតែមួយមុខគត់សម្រាប់រយៈពេល៦ខែដំបូង អាចកាត់បន្ថយជំងឺរាករូសបាន ១១ដង និងជំងឺរលាកសួតបាន ១៥ដងបើប្រៀបធៀបជាមួយកុមារដែលមិនបានទទួលការបំបៅដោយទឹកដោះម្តាយ។ 

“អាណាព្យាបាលត្រូវយកចិត្តទុកដាក់ឲ្យបានខ្លាំងក្លាបំផុតលើអាហារូបត្ថម្ភកុមារក្នុងរយៈពេល ១០០០ថ្ងៃដំបូង នៃជីវិត ពោលគឺចាប់ពីពេលទារកចាប់បដិសណ្ឋិរហូតដល់អាយុ ២ឆ្នាំ ព្រោះដំណាក់កាលនេះ ជាពេលដែលកុមារត្រូវការការលូតលាស់និងការអភិវឌ្ឍន៍ខ្លាំងទាំងផ្នែករាងកាយនិងសតិបញ្ញាស្មារតី” - លោក ហ៊ូ ក្រើន នាយករងអង្គការ ហេទ្បែន ខេលល័រ អន្តរជាតិ។

អ្នកជំនាញអារូបត្តម្ភរូបនេះ បានបញ្ជាក់បន្ថែមថា បើមានកំហុសឆ្គងក្នុងដំណាក់កាល ១០០០ថ្ងៃដំបូង នៃជីវិតកុមារ អាចពិបាកជួសជុលនិងកែខៃសុខភាពកុមារនៅថ្ងៃអនាគត។ 

សូមជម្រាបថា បញ្ហាកង្វះអាហារូបត្ថម្ភលើកុមារកម្ពុជានៅតែមានកម្រិតខ្ពស់នៅឡើយ គឺ៣២% បើទោះបីជាតួលេខនេះទាបជាងក្នុងឆ្នាំ២០១០ (៤០%) ក៏ដោយ ។ ទន្ទឹមគ្នានេះ ដើម្បីឆ្លើយតបនឹងបញ្ហាកង្វះអាហារូបត្ថម្ភ ការចិញ្ចឹមកុមារ និងទារក រាជរដ្ឋាភិបាលកម្ពុជា បានប្តេជ្ញានឹងបង្កើនអត្រាបំបៅកូនដោយទឹកដោះម្តាយភ្លាមអំឡុងម៉ោងដំបូងបន្ទាប់ពីសម្រាលឱ្យបាន ៦៨,៨% ក្នុងឆ្នាំ២០២៣ ។

អត្ថបទពេញនិយម

រដ្ឋមន្ត្រីអភិវឌ្ឍន៍ជនបទលើកទឹកចិត្តឱ្យគ្រប់គ្នាគិតពីបរិក្ខាទឹកស្អាតនិងអនាម័យធន់នឹងការប្រែប្រួលអាកាសធាតុ

អង្គការ​​សំអា​តទន្លេសមុទ្រ តាំង​បង្ហាញស្នាដៃ​សិល្បៈដែល​កែច្នៃ​ពីសំ​រាម​ក្នុង​ទន្លេ

រដ្ឋម​ន្ត្រី​ប​រិស្ថា​ន​៖ កម្ពុជា​អាច​លក់​កាបូន​បាន ជារ​បត់ថ្មីមួយ​ដែល​អាចរ​កចំណូល​ពីការ​អភិរក្សធន​ធាន​ធម្មជាតិ

ក្រសួង​អភិវឌ្ឍន៍​ជនបទ រៀបចំការ​ប្រកួតប្រជែង​អត្ថបទ​លើប្រធានបទ ទឹកស្អាត អនាម័យ និងវិធី​បង្ការរោគ សម្រាប់​សិស្សថ្នាក់ទី​១២

សម្តេច​តេជោ ហ៊ុន សែន ស្នើឲ្យរដ្ឋមន្រ្តី​ការប​រទេស​អាស៊ាន បង្កើត​​កិច្ចព្រមព្រៀង​បៃតង​អា​ស៊ាន

អត្ថបទដែលទាក់ទង