យុទ្ធនាការ Together Actions for SDGs រួមគ្នាពង្រឹងសេដ្ឋកិច្ចបៃតងនៅកម្ពុជា

ថ្ងៃសៅរ៍ ទី១៨ ខែវិច្ឆិកា​ ឆ្នាំ២០២៣      ម៉ៅ សំណាង
ចែករំលែក
Views: 222
1

ភ្នំពេញ - កម្មវិធីអភិវឌ្ឍន៍សហប្រជាជាតិប្រចាំកម្ពុជា (យូអិនឌីភី) និងក្រុមហ៊ុនអីអនម៉ល ខេមបូឌា បានចុះអនុស្សារណៈយោគយល់ស្តីពីការប្តេជ្ញាសហការពន្លឿនការសម្រេចបានគោលដៅអភិវឌ្ឍន៍ប្រកបដោយចីរភាពទាំងអស់គ្នា ឬ Together Actions for SDGs ដើម្បីពង្រឹងសេដ្ឋកិច្ចបៃតង និងសេដ្ឋកិច្ចចក្រនៅកម្ពុជា ។ យុទ្ធនាការរយៈពេលបីថ្ងៃនេះ ធ្វើឡើងនៅផ្សារទំនើបអីអនម៉ល សែនសុខ រាជធានីភ្នំពេញ នាថ្ងៃទី១៧-១៩ ខែវិច្ឆិកា ឆ្នាំ២០២៣ ។ 

 

លោកស្រី អាលីហ្សា ឆាកឃឺ អ្នកតំណាងយូអិនឌីភីប្រចាំកម្ពុជា មានប្រសាសន៍ថា យូអិនឌីភី និងក្រសួងបរិស្ថាន កំពុងសហការគ្នាដោះស្រាយវិបត្តិប្លាស្ទិក ។ អភិក្រមចម្រុះរបស់យូអិនឌីភីផ្តោតលើការពង្រឹងបរិយាកាសគោលនយោបាយប្រកបដោយបរិយាប័ន្ន ការផ្លាស់ប្តូរឥរិយាបថក្នុងសង្គម និងការអភិវឌ្ឍអាជីវកម្ម ។ 

 

លោកស្រី អាលីហ្សា ឆាកឃឺ អ្នកតំណាងយូអិនឌីភី បានបន្តថា វិស័យឯកជនដើរតួនាទីយ៉ាងសំខាន់ក្នុងការពន្លឿនសកម្មភានៃគោលដៅអភិវឌ្ឍប្រកបដោយចីរភាពសម្រាប់ទាំងអស់គ្នា ។ យូអិនឌីភីប្រចាំកម្ពុជា មានគោលបំណងដោះស្រាយបញ្ហាពាក់ព័ន្ធនឹងសំណល់ប្លាស្ទិកតាមរយៈការរៀបចំបទបញ្ញត្តិប្រកបដោយបរិយាប័ន្ន ការលើកកម្ពស់ការផ្លាស់ប្តូរឥរិយាបថ ការសាកល្បងដំណោះស្រាយអាជីវកម្មបែបវិលជុំ និងការពង្រឹងសមត្ថភាពរបស់រដ្ឋបាលថ្នាក់ក្រោមជាតិនៅតាមបណ្តាខេត្តមួយចំនួន ។

 

 

 

ចំណែកនាយកគ្រប់គ្រងផ្សារទំនើបអីអនម៉ល លោក Tsuboya Masayuki បាននិយាយថា ក្រុមហ៊ុនអីអនម៉ល ខេមបូឌា ប្ដេជ្ញាចិត្តលើកកម្ពស់ការអនុវត្តគោលដៅអភិវឌ្ឍន៍ប្រកបដោយចីរភាព ពិសេសពាប់ព័ន្ធនឹងការគ្រប់គ្រងថង់ប្លាស្ទិក ។ ក្រុមហ៊ុនបានគាំទ្រសកម្មភាពការលើកកម្ពស់ការយល់ដឹង ការញែកសំណល់ និងគំនិតផ្តួចផ្តើមសាកល្បងការកែច្នៃប្លាស្ទិកឡើងវិញ ។ 

 

លោក Tsuboya Masayuki នាយកគ្រប់គ្រងផ្សារទំនើបអីអនម៉ល បានបញ្ជាក់បន្ថែមថា ៖យើងនឹងបន្តគាំទ្រដល់សកម្មភាពផ្សព្វផ្សាយដើម្បីកៀរគរប្រជាពលរដ្ឋ និងអាជីវកម្មនានាឱ្យចូលរួមពន្លឿនការអនុវត្តគោល ដៅអភិវឌ្ឍន៍ប្រកបដោយចីរភាព និងលើកកម្ពស់សកម្មភាពប្រកបដោយចីរភាពក្នុងការពន្លឿនសេដ្ឋកិច្ចចក នៅកម្ពុជា ដើម្បីដោះស្រាយការបំពុលដោយប្លាស្ទិក

 

គួរបញ្ជាក់ថា បច្ចុប្បន្នការបំពុលដោយប្លាស្ទិក គឺជាវិបត្តិបរិស្ថានជាសកលកំពុងបង្កហានិភ័យធ្ងន់ធ្ងរដល់បរិស្ថាន និងសុខភាពរបស់មនុស្ស ។ ក្នុងជីវិតរស់នៅប្រចាំថ្ងៃ មនុស្សបានប្រើប្រាស់ថង់ប្លាស្ទិកនៅគ្រប់ទីកន្លែង ព្រោះថង់ប្លាស្ទិកផ្ដល់ភាពងាយស្រួល និងមានតម្លៃថោក ។ អ្វីដែលជាបញ្ហាចោទ គឺជារឿយៗ គេសង្កេតឃើញអ្នកប្រើប្រាស់បានដុតថង់ប្លាស្ទិក បោះចោលតាមដងផ្លូវ និងចោលទៅក្នុងប្រភពទឹកផ្សេងៗ ។ ការគ្រប់គ្រងថង់ប្លាស្ទិកមិនបានល្អ បានបង្កផលប៉ះពាល់អវិជ្ជមានដល់គុណភាពខ្យល់ទន្លេ និងមហាសមុទ្រ ព្រមទាំងធ្វើឱ្យខូចសោភណ្ឌភាពបរិស្ថានក្នុងរយៈពេលពេលមធ្យម ឬរយៈពេលវែងដែរ ៕

 

 

អត្ថបទពេញនិយម

រដ្ឋមន្ត្រីអភិវឌ្ឍន៍ជនបទលើកទឹកចិត្តឱ្យគ្រប់គ្នាគិតពីបរិក្ខាទឹកស្អាតនិងអនាម័យធន់នឹងការប្រែប្រួលអាកាសធាតុ

អង្គការ​​សំអា​តទន្លេសមុទ្រ តាំង​បង្ហាញស្នាដៃ​សិល្បៈដែល​កែច្នៃ​ពីសំ​រាម​ក្នុង​ទន្លេ

រដ្ឋម​ន្ត្រី​ប​រិស្ថា​ន​៖ កម្ពុជា​អាច​លក់​កាបូន​បាន ជារ​បត់ថ្មីមួយ​ដែល​អាចរ​កចំណូល​ពីការ​អភិរក្សធន​ធាន​ធម្មជាតិ

ក្រសួង​អភិវឌ្ឍន៍​ជនបទ រៀបចំការ​ប្រកួតប្រជែង​អត្ថបទ​លើប្រធានបទ ទឹកស្អាត អនាម័យ និងវិធី​បង្ការរោគ សម្រាប់​សិស្សថ្នាក់ទី​១២

សម្តេច​តេជោ ហ៊ុន សែន ស្នើឲ្យរដ្ឋមន្រ្តី​ការប​រទេស​អាស៊ាន បង្កើត​​កិច្ចព្រមព្រៀង​បៃតង​អា​ស៊ាន

អត្ថបទដែលទាក់ទង