អង្គការ Vital Strategies គាំទ្រកម្មវិធីពង្រឹងការដាក់សារព្រមានសុខភាពលើកញ្ចប់ផលិតផលថ្នាំជក់នៅកម្ពុជា

ថ្ងៃពុធ ទី០៨ ខែឧសភា​ ឆ្នាំ២០២៤      ម៉ៅ សំណាង
ចែករំលែក
Views: 28
1

ភ្នំពេញ - នៅក្នុងជំនួបពិភាក្សាការងារសុខភាពសាធារណៈ នាព្រឹកថ្ងៃពុធនេះ លោកបណ្ឌិត Tara Singh BAM នាយកកម្មវិធីថ្នាំជក់នៃអង្គការ Vital Strategies បានបញ្ជាក់ថា អង្គការ Vital Strategies នឹងប្តេជ្ញាចិត្តបន្តកិច្ចសហប្រតិបត្តិការជាមួយក្រសួងសុខាភិបាល ដើម្បីលើកកម្ពស់កិច្ចការជាអាទិភាពមួយចំនួនក្នុងសកម្មភាពត្រួតពិនិត្យផលិតផលថ្នាំជក់នៅកម្ពុជា ។ ការប្តេជ្ញាចិត្តជួយសុខាភិបាលកម្ពុជានេះ ខណៈឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល បានស្នើនាយកកម្មវិធីថ្នាំជក់អង្គការ Vital Strategies ឱ្យបន្តជួយគាំទ្រកម្ពុជា លើកម្មវិធីលើកកម្ពស់សុខភាពសាធារណៈ និងពង្រឹងការដាក់សារព្រមានសុខភាពលើកញ្ចប់ផលិតផលថ្នាំជក់ ។

 

លោកបណ្ឌិត Tara Singh BAM នាយកកម្មវិធីថ្នាំជក់នៃអង្គការ Vital Strategies បានលើកឡើងថា អង្គការ Vital Strategies នឹងបន្តគាំទ្រកម្មវិធីលើកកម្ពស់សុខភាពសាធារណៈនៅកម្ពុជា ដូចជា  . ពង្រឹងការអនុវត្តទីក្រុងគ្មានផ្សែងបារី, . ពង្រឹងការដាក់សារព្រមានសុខភាពលើកញ្ចប់ផលិតផលថ្នាំជក់, . ចូលរួមពង្រឹងការអនុវត្តវិធានការហាមការជក់ ឬការបង្ហុយផ្សែងបារីនៅកន្លែងធ្វើការ ឬទីសាធារណៈ, . ពង្រឹងវិធានការហាមឃាត់ផ្សាយពាណិជ្ជកម្ម ការផ្សព្វផ្សាយលក់ និងការឧបត្ថម្ភកម្មវិធីដោយឧស្សាហករថ្នាំជក់, . គាំទ្រយុទ្ធនាការ ការអប់រំ ផ្លាស់ប្តូរឥរិយាបថរបស់ប្រជាជន និងទី៦. ទស្សនកិច្ចសិក្សាផ្លាស់ប្តូរបទពិសោធន៍របស់គណៈកម្មាធិការអន្តរក្រសួងត្រួតពិនិត្យផលិតផលថ្នាំជក់ ។

 

សូមជម្រាបថា កិច្ចសហប្រតិបត្តិការរវាងអង្គការ Vital Strategies និងមជ្ឈមណ្ឌលជាតិលើកកំពស់សុខភាព រយៈពេល ១០ឆ្នាំកន្លងទៅ បានជួយឱ្យប្រជាជនកម្ពុជាកាត់បន្ថយការប្រើប្រាស់ផលិតផលថ្នាំជក់ ដោយអត្រាប្រេវ៉ាឡង់នៃការប្រើប្រាស់ផលិតផលថ្នំាជក់ថយចុះគួរឱ្យកត់សម្គាល់ និងជាប្រទេសដែលមានអត្រាប្រើប្រាស់ថ្នំាជក់ទាបនៅក្នុងតំបន់ និងលើពិភពលោក ៕

 

អត្ថបទពេញនិយម

រដ្ឋមន្ត្រីអភិវឌ្ឍន៍ជនបទលើកទឹកចិត្តឱ្យគ្រប់គ្នាគិតពីបរិក្ខាទឹកស្អាតនិងអនាម័យធន់នឹងការប្រែប្រួលអាកាសធាតុ

អង្គការ​​សំអា​តទន្លេសមុទ្រ តាំង​បង្ហាញស្នាដៃ​សិល្បៈដែល​កែច្នៃ​ពីសំ​រាម​ក្នុង​ទន្លេ

រដ្ឋម​ន្ត្រី​ប​រិស្ថា​ន​៖ កម្ពុជា​អាច​លក់​កាបូន​បាន ជារ​បត់ថ្មីមួយ​ដែល​អាចរ​កចំណូល​ពីការ​អភិរក្សធន​ធាន​ធម្មជាតិ

ក្រសួង​អភិវឌ្ឍន៍​ជនបទ រៀបចំការ​ប្រកួតប្រជែង​អត្ថបទ​លើប្រធានបទ ទឹកស្អាត អនាម័យ និងវិធី​បង្ការរោគ សម្រាប់​សិស្សថ្នាក់ទី​១២

សម្តេច​តេជោ ហ៊ុន សែន ស្នើឲ្យរដ្ឋមន្រ្តី​ការប​រទេស​អាស៊ាន បង្កើត​​កិច្ចព្រមព្រៀង​បៃតង​អា​ស៊ាន

អត្ថបទដែលទាក់ទង