ស្រុកបន្ទាយស្រីទទួលជ័យលាភីជាស្រុក ODF ទី៣ក្នុងខេត្តសៀមរាប

ថ្ងៃពុធ ទី២២ ខែមិនា​ ឆ្នាំ២០២៣      ម៉ៅ សំណាង
ចែករំលែក
Views: 221
1

សៀមរាប - ក្រសួងអភិវឌ្ឍន៍ជនបទ បានប្រកាសអបអរសាទរស្រុកបន្ទាយស្រី ខេត្តសៀមរាប ក្លាយជាស្រុកទី៣ បញ្ចប់ការបន្ទោបង់ពាសវាលពាសកាលទាំងស្រុង (ODF) ។ ស្រុកមានបង្គន់អនាម័យប្រើប្រាស់គ្រប់ខ្នងផ្ទះនេះ បានប្រកាសនៅថ្ងៃអង្គារ៍ ទី២១ ខែមីនា ឆ្នាំ២០២៣ ដោយមានអ្នកចូលរួមប្រមាណជាង ២០០នាក់ស្ថិតនៅក្នុងបរិវេណសាលាស្រុកបន្ទាយស្រី ខេត្តសៀមរាប ។

 

ឯកឧត្តម ថោង ពោជ អនុរដ្ឋលេខាធិការ ក្រសួងអភិវឌ្ឍន៍ជនបទ មានប្រសាសន៍ថា វិស័យផ្គត់ផ្គង់ទឹកស្អាត និង អនាម័យជនបទ គឺជាផ្នែកមួយសំខាន់របស់រាជរដ្ឋាភិបាលក្នុងការកែលម្អលក្ខខណ្ឌនៃការរស់នៅរបស់សហគមន៍ជនបទ តាមរយៈការលើកកម្ពស់ការទទួលបានសេវាទឹកស្អាត និងអនាម័យឱ្យកាន់តែប្រសើរឡើង ។

 

សូមជម្រាបថា ស្រុកបន្ទាយស្រីមាន ០៦ឃុំ ស្មើ ៣៦ភូមិ មានប្រជាពលរដ្ឋសរុប ៥ម៉ឺនសែសិបបួននាក់ ស្មើនឹង ១ម៉ឺនមួយពាន់បីរយគ្រួសារ ហើយប្រជាពលរដ្ឋ ៩០% ជាកសិករធ្វើស្រែ និងមួយផ្នែកធ្វើការងារសិប្បកម្ម និងសេវាផ្សេងៗ ។ 

 

គិតត្រឹមខែមីនា ឆ្នាំ២០២៣ ខេត្តសៀមរាបមានអត្រាគ្រប់ដណ្តប់អនាម័យឡើងដល់ ៨៤,៥៣% ក្នុងនោះមាន ៣៥០ភូមិក្នុង ៣០ឃុំ នៃស្រុកចំនួន០៣ បានបញ្ចប់ការបន្ទោបង់ពាសវាលពាសកាល(ODF) រួមមាន ស្រុកអង្គរជុំ, ស្រុកស្រីស្នំ, និងស្រុកបន្ទាយស្រី ។ ការងារលើកកម្ពស់អនាម័យរបស់រដ្ឋបាលស្រុកបន្ទាយស្រី បានសហការណ៍អនុវត្តការងារដោយមន្ទីរអភិវឌ្ឍន៍ជនបទ, អង្គការយូរីដូ, អង្គការបណ្តុះកុមារ, និងអង្គការភ្លែនអន្តរជាតិប្រចាំកម្ពុជា ៕

 

 

អត្ថបទពេញនិយម

រដ្ឋមន្ត្រីអភិវឌ្ឍន៍ជនបទលើកទឹកចិត្តឱ្យគ្រប់គ្នាគិតពីបរិក្ខាទឹកស្អាតនិងអនាម័យធន់នឹងការប្រែប្រួលអាកាសធាតុ

អង្គការ​​សំអា​តទន្លេសមុទ្រ តាំង​បង្ហាញស្នាដៃ​សិល្បៈដែល​កែច្នៃ​ពីសំ​រាម​ក្នុង​ទន្លេ

រដ្ឋម​ន្ត្រី​ប​រិស្ថា​ន​៖ កម្ពុជា​អាច​លក់​កាបូន​បាន ជារ​បត់ថ្មីមួយ​ដែល​អាចរ​កចំណូល​ពីការ​អភិរក្សធន​ធាន​ធម្មជាតិ

ក្រសួង​អភិវឌ្ឍន៍​ជនបទ រៀបចំការ​ប្រកួតប្រជែង​អត្ថបទ​លើប្រធានបទ ទឹកស្អាត អនាម័យ និងវិធី​បង្ការរោគ សម្រាប់​សិស្សថ្នាក់ទី​១២

សម្តេច​តេជោ ហ៊ុន សែន ស្នើឲ្យរដ្ឋមន្រ្តី​ការប​រទេស​អាស៊ាន បង្កើត​​កិច្ចព្រមព្រៀង​បៃតង​អា​ស៊ាន

អត្ថបទដែលទាក់ទង