លោក មិន ម៉ៅសំណាង អ្នកសារព័ត៌មានទូរទស្សន៍ PNN ទទួលជ័យលាភីសិក្សាអត្ថបទទិវាជាតិអំណាន

ថ្ងៃសៅរ៍ ទី១១ ខែមិនា​ ឆ្នាំ២០២៣      ម៉ៅ សំណាង
ចែករំលែក
Views: 673
1

ភ្នំពេញ - ទិវាជាតិអំណានលើកទី៨ ១១ មីនា ឆ្នាំ២០២៣ ប្រារព្ធឡើងក្រោមប្រធានបទ អំណានជាមាគ៌ាឆ្ពោះទៅរកបរិវត្តកម្មវិស័យអប់រំ” ចំណែកប្រធានបទប្រឡងបកស្រាយឆ្នាំនេះ គឺប្រធានបទ “គុណតម្លៃមនុស្សក្នុងយុគសម័យឌីជីថល” ។ លោក មិន ម៉ៅសំណាង ជាម្ចាស់ជ័យលាភីម្នាក់ក្នុងចំណោមជ័យលាភីទាំង ៣នាក់ឆ្លងកាត់ការប្រកួតជ្រើសរើសទូទាំងប្រទេស រៀបចំដោយក្រសួងអប់រំ យុវជន និងកីឡា ។

 

លោក មិន ម៉ៅសំណាង អ្នកសារព័ត៌មាននៃស្ថានីយ៍ទូរទស្សន៍ PNN បានទទួលចំណាត់ថ្នាក់ជ័យលាភីលេខ២ បន្ទាប់ពីលោក មី សុវណ្ណ គ្រូឧទ្ទេសនៅវិទ្យាស្ថានគរុកោសល្យភ្នំពេញ ចំណាត់ថ្នាក់លេខ១ និងលោក ទឹម សុខហួយ គ្រូបង្រៀនវិទ្យាល័យសម្តេចអគ្គមហាសេនាបតីតេជោ ហ៊ុន សែន អង្គតាសោម ខេត្តតាកែវ  ទទួលបានចំណាត់ថ្នាក់លេខ៣ ។ 

 

 

ប្រធានបទបកស្រាយ “គុណតម្លៃមនុស្សក្នុងយុគសម័យឌីជីថល” សម្រាប់អបអរទិវាជាតិអំណានឆ្នាំនេះ ក្រសួងអប់រំ យុវជន និងកីឡា មានគោលបំណងលើកទឹកចិត្តដល់បុគ្គលិកសិក្សា និងសាធារណជនឱ្យមានឱកាសសិក្សាស្រាវជ្រាវ និងបង្ហាញទស្សនៈយល់ឃើញជុំវិញប្រធានបទតាមរយៈអត្ថបទសំណេរ ។ 

 

លោក មី សុវណ្ណ គ្រូឧទ្ទេសនៅវិទ្យាស្ថានគរុកោសល្យភ្នំពេញ ទទួលរង្វាន់ជ័យលាភីលេខ១ ពីលោកជំទាវ កិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី ។

តាមរយៈប្រធានបទ គុណតម្លៃមនុស្សក្នុងយុគសម័យឌីជីថលរំលេចឱ្យឃើញពីការអភិវឌ្ឍន៍សមត្ថភាពរបស់មនុស្សឱ្យក្លាយជាពលរដ្ឋសកលស្ថិតក្នុងសម័យកាលឌីជីថលកំពុងរីកចម្រើន ។ ស្របគ្នានេះដែរ មូលដ្ឋាននៃការកសាងសមត្ថភាពធនធានមនុស្សនៅក្នុងសង្គមកើតចេញការអប់រំផ្នែកសង្គមសាស្ត្រ និងមនុស្សសាស្ត្រ ព្រមទាំងវិទ្យាសាស្ត្រ និងបច្ចេកវិទ្យា ស្ថិតនៅក្នុងរបត់បរិវត្តកម្មវិស័យអប់រំ ។ ពោលមនុស្សគ្រប់រូបអាចកសាងគុណតម្លៃផ្ទាល់ខ្លួនបាន តាមរយៈនិន្នាការនៃការរីកចម្រើនឌីជីថល និងអក្ខរកម្មឌីជីថល (digital literacy) 

 

សូមជម្រាបថា ទិវាជាតិអំណាន លើកទី៨ ក៏មានកម្មវិធីប្រគល់ពានរង្វាន់ដល់សិស្សានុសិស្សជ័យលាភីឆ្នើមប្រាំបួនរូប ផ្នែកអានអត្ថបទ ស្មូតកំណាព្យ និងតែងនិពន្ធ ពានរង្វាន់សម្តេចតេជោ ហ៊ុន សែន ក្រោមអធិបតីភាពដ៏ខ្ពង់ខ្ពស់​ លោកជំទាវ​កិត្តិសង្គហបណ្ឌិត​ ម៉ែន​ សំអន​ ឧបនាយករដ្ឋមន្ត្រី​ រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា​ និងអធិការកិច្ច ៕

 

 

 

 

អត្ថបទពេញនិយម

រដ្ឋមន្ត្រីអភិវឌ្ឍន៍ជនបទលើកទឹកចិត្តឱ្យគ្រប់គ្នាគិតពីបរិក្ខាទឹកស្អាតនិងអនាម័យធន់នឹងការប្រែប្រួលអាកាសធាតុ

អង្គការ​​សំអា​តទន្លេសមុទ្រ តាំង​បង្ហាញស្នាដៃ​សិល្បៈដែល​កែច្នៃ​ពីសំ​រាម​ក្នុង​ទន្លេ

រដ្ឋម​ន្ត្រី​ប​រិស្ថា​ន​៖ កម្ពុជា​អាច​លក់​កាបូន​បាន ជារ​បត់ថ្មីមួយ​ដែល​អាចរ​កចំណូល​ពីការ​អភិរក្សធន​ធាន​ធម្មជាតិ

ក្រសួង​អភិវឌ្ឍន៍​ជនបទ រៀបចំការ​ប្រកួតប្រជែង​អត្ថបទ​លើប្រធានបទ ទឹកស្អាត អនាម័យ និងវិធី​បង្ការរោគ សម្រាប់​សិស្សថ្នាក់ទី​១២

សម្តេច​តេជោ ហ៊ុន សែន ស្នើឲ្យរដ្ឋមន្រ្តី​ការប​រទេស​អាស៊ាន បង្កើត​​កិច្ចព្រមព្រៀង​បៃតង​អា​ស៊ាន

អត្ថបទដែលទាក់ទង