ក្រុមហ៊ុនធី.ស៊ី.យូ. ប្រារព្ធពិធីអបអរសាទរខួប ៧ឆ្នាំ និងបង្ហាញអច្ឆរិយវត្ថុស្ថាបត្យកម្មដ៏អស្ចារ្យ

ថ្ងៃអាទិត្យ ទី២៤ ខែធ្នូ​ ឆ្នាំ២០២៣      ម៉ៅ សំណាង
ចែករំលែក
Views: 293
1

កំពង់ស្ពឺ - នារសៀលថ្ងៃសៅរ៍ ទី២៣ ខែធ្នូ ឆ្នាំ២០២៣ ក្រុមហ៊ុនធី.ស៊ី.យូ. ប៉ូលី អើធើប្រាយ (T.C.U POLYS ENTERPRISE Co.,Ltd) បានប្រារព្ធពិធីអបអរសាទរខួប ៧ឆ្នាំដំណើរការអាជីវកម្មរបស់ខ្លួនក្រោមបរិយាកាសដ៏រីករាយ ដោយមានភ្ញៀវកិតិ្តយសអញ្ជើញមកពីបណ្ដាលខេត្តនានា តំណាងដៃគូអាជីវកម្ម និងតំណាងថ្នាក់ដឹកនាំរដ្ឋបាលខេត្តកំពង់ស្ពឺ ។ ទន្ទឹមគ្នានេះ តំណាងក្រុមហ៊ុនផលិតទុយោទឹកធី. ស៊ី.យូ. បានបង្ហាញពីសម្មិទ្ធិផលការងារជោគជ័យរបស់ខ្លួនយ៉ាងត្រចះត្រចង់ក្នុងរយៈពេល ៧ឆ្នាំ ព្រមទាំងបង្ហាញទស្សនវិស័យវែងឆ្ងាយសម្រាប់អនាគត ដោយចាត់ទុកផលិតផលរបស់ក្រុមហ៊ុនជាអច្ឆរិយវត្ថុស្ថាបត្យកម្មដ៏អស្ចារ្យបម្រើដល់ការរស់នៅរបស់ប្រជាជនកម្ពុជា ។

 

លោក Ma Zan អគ្គនាយករងក្រុមហ៊ុនធី.ស៊ី.យូ. ថ្លែងអំណរគុណដល់ភ្ញៀវកិត្តិយស និងបង្ហាញពីមោទនភាពសមិទ្ធិផលរបស់ក្រុមហ៊ុន

លោក Ma Zan អគ្គនាយករងក្រុមហ៊ុនធី.ស៊ី.យូ. ថ្លែងអំណរគុណដល់ភ្ញៀវកិត្តិយស និងបង្ហាញពីមោទនភាពសមិទ្ធិផលរបស់ក្រុមហ៊ុន 

 

លោក Ma Zan អគ្គនាយករងក្រុមហ៊ុនធី.ស៊ី.យូ. មានប្រសាសន៍ថា ក្រុមហ៊ុនធី.ស៊ី.យូ. តែងតែប្រកាន់ខ្ជាប់គោលការណ៍នៃភាពស្មោះត្រង់ និងគុណភាពជាចម្បង ។ ជាមួយគ្នានេះក្រុមហ៊ុនបានផ្តល់តម្លៃខ្ពស់ដល់ការផ្លាស់ប្ដូរគំនិតថ្មីៗ និងអភិវឌ្ឍន៍ជាប្រចាំ ដើម្បីបង្កើនប្រសិទ្ធភាព គុណភាព និងបន្តជំរុញការច្នៃប្រតិដ្ឋផ្សេងៗតាមរយៈបច្ចេកវិទ្យា ព្រមទាំងបន្តលើកកម្ពស់យុទ្ធសាស្ត្រអភិវឌ្ឍន៍គុណភាពជាចម្បង ។ ស្របនឹងកិច្ចខិតខំប្រឹងប្រែងនេះ ក្រុមហ៊ុនមានគោលដៅបង្កើតទំនាក់ទំនងសហប្រតិបត្តិការប្រកបដោយនិរន្តភាពយូរអង្វែងជាមួយអាជីវករផ្គត់ផ្គង់ទឹកស្អាតគ្រប់ៗគ្នា ។

 

លោក Ma Zan បានបញ្ជាក់បន្ថែមថា ៖រយៈពេល ៧ឆ្នាំកន្លងទៅនេះ ក្រុមហ៊ុនធី.ស៊ី.យូ. បានចូលរួមយ៉ាងសកម្មក្នុងវិស័យសាងសង់ហេដ្ឋារចនាសម្ព័ន្ធសាធារណៈនៅក្នុងប្រទេសកម្ពុជា ហើយក៏បានចូលរួមកិច្ចការលើកកម្ពស់សុខភាពសាធារណៈ តាមការអំពាវនាវរបស់អាជ្ញាធរមូលដ្ឋាន ជាពិសេសក្នុងអំឡុងពេលនៃការរីករាយដែលជំងឺផ្លូវដង្ហើមកូវីដ-១៩។” 

 

ឯកឧត្តម ស៊ីម រតនៈ អភិបាលរង នៃគណៈអភិបាលខេត្តកំពង់ស្ពឺ មានប្រសាសន៍អបអរសាទរ អមដោយលោកស្រីអគ្គនាយក និងលោក Ma Zan អគ្គនាយករងក្រុមហ៊ុនធី.ស៊ី.យូ.

ឯកឧត្តម ស៊ីម រតនៈ អភិបាលរង នៃគណៈអភិបាលខេត្តកំពង់ស្ពឺ មានប្រសាសន៍អបអរសាទរ អមដោយលោកស្រីអគ្គនាយក និងលោក Ma Zan អគ្គនាយករងក្រុមហ៊ុនធី.ស៊ី.យូ

 

អគ្គនាយករងក្រុមហ៊ុនផលិតទុ យោ ទឹកធី.ស៊ី.យូ. លោក Ma Zan ក៏បានលើកឡើងដោយសង្កត់ធ្ងន់ថា ការអភិវឌ្ឍនិងការរីកចម្រើនរបស់ក្រុមហ៊ុនធី.ស៊ី.យូ. គឺបានមកពីការគាំទ្រការជឿទុកចិត្ត និងការចូលរួមពីគ្រប់ភាគីពាក់ព័ន្ធទាំងអស់ ។ នៅពេលអនាគតក្រុមហ៊ុន ធី.ស៊ី.យូ. សន្យាយ៉ាងមុតមាំថា នឹងបន្តអនុវត្តស្មារតីនៃកិច្ចសហប្រតិបត្តិការឈ្នះឈ្នះទាំងអស់គ្នា និងអនុវត្តគោលការណ៍នៃភាពស្មោះត្រង់ ដោយប្រកាន់យកគុណភាពជាចម្បងដែលផលិតផលនឹងក្លាយជាអច្ឆរិយវត្ថុស្ថាបត្យកម្មដ៏អស្ចារ្យ។ 

 

ចំណែកឯកឧត្តម ស៊ីម រតនៈ អភិបាលរង នៃគណៈអភិបាលខេត្តកំពង់ស្ពឺ មានប្រសាសន៍ថា តាមរយៈការវិនិយោគរបស់រោងចក្រសហគ្រាសនានាទៅទឹកដីខេត្តកំពង់ស្ពឺ កំពុងផ្តល់ការរីកចម្រើនយ៉ាងខ្លាំងដល់ខេត្ត និងបានលើកកម្ពស់ជីវភាពប្រជាជនក្នុងខេត្តទាំងមូលឱ្យមានស្ថានភាពល្អប្រសើរ ។ បច្ចុប្បន្នខេត្តកំពង់ស្ពឺមានក្រុមហ៊ុនវិនិយោគជាច្រើនចូលមកជាបន្តបន្ទាប់ ហើយប្រជាជនមានការងារធ្វើនៅនឹងកន្លែងផ្ទាល់តែម្តង ។ លើសពីនេះ ការវិនិយោគរបស់ក្រុមហ៊ុនធី.ស៊ី.យូ. បានជួយចូលរួមលើកកម្ពស់ស្ថានភាពទឹកស្អាតឱ្យមានការប្រែប្រួលយ៉ាងខ្លាំង ស្របតាមផែនការរបស់រាជរដ្ឋាភិបាលដែលជំរុញឱ្យមានទឹកស្អាតប្រើគ្រប់ភូមិ ។

 

លោកស្រីអគ្គនាយកក្រុមហ៊ុនធី.ស៊ី.យូ. និងលោក Ma Zan បង្ហាញពីផ្នែកសំខាន់ៗនៃដំណើរផលិតរបស់ក្រុមហ៊ុន ជូនឯកឧត្តម ស៊ីម រតនៈ អភិបាលរង នៃគណៈអភិបាលខេត្តកំពង់ស្ពឺ

លោកស្រីអគ្គនាយកក្រុមហ៊ុនធី.ស៊ី.យូ. និងលោក Ma Zan បង្ហាញពីផ្នែកសំខាន់ៗនៃដំណើរផលិតរបស់ក្រុមហ៊ុន ជូនឯកឧត្តម ស៊ីម រតនៈ អភិបាលរង នៃគណៈអភិបាលខេត្តកំពង់ស្ពឺ 

 

ឯកឧត្តម ស៊ីម រតនៈ អភិបាលរង នៃគណៈអភិបាលខេត្តកំពង់ស្ពឺ មានប្រសាសន៍បញ្ជាក់ ៖ខាងទុយោទឹកនេះ (ក្រុមហ៊ុន ធី.ស៊ី.យូ.) បានខិតខំរួមចំណែកយ៉ាងសំខាន់មួយដែរ ដែលបម្រើដល់ការប្រើប្រាស់ទឹកស្អាតនៅក្នុងខេត្តកំពង់ស្ពឺ ! ពេលដំបូងយើងពិតជាលំបាកមែនទែនជំរុញឱ្យមានទឹកស្អាតប្រើប្រាស់នៅតាមសហគមន៍ ដោយសារយើងខ្វះសម្ភារៈទាំងអស់នេះ (ទុយោទឹក) ដោយយើងត្រូវទិញមកពីខាងក្រៅ ! ប៉ុន្តែឥឡូវយើងអត់ចាំបាច់ទិញពីខាងក្រៅទៀតទេ មានន័យថា យើងមានទុយោទឹកផលិតនៅក្នុងមូលដ្ឋានរបស់យើងហើយ (ក្រុមហ៊ុន) នឹងត្រៀមខ្លួនប្រកួតប្រជែងជាមួយអ្នកដទៃទៀត អ៊ីចឹងមានន័យថា កំពង់ស្ពឺយើងក៏មានឈ្មោះបោះសំឡេងបន្តទៀតដែរ... ”

 

គួរជម្រាបផងដែរថា ពិធីអបអរសាទរគម្រប់ខួប ៧ឆ្នាំនៃដំណើរការអាជីវកម្មរបស់ក្រុមហ៊ុនធី.ស៊ី.យូ. ប៉ូលី អើធើប្រាយ បានប្រព្រឹត្តិទៅនៅរោងចក្រផលិតទុយោទឹកផ្ទាល់ នៅភូមិសង្គ្រោះជាតិ ឃុំត្រពាំងគង ស្រុងគងពិសី ខេត្តកំពង់ស្ពឺ ។ ជាមួយគ្នានេះ ក្រុមហ៊ុនបានរៀបចំពិធីចាប់រង្វាន់ដល់បុគ្គលិក និងអ្នកចូលរួមផងដែរ ដែលរង្វាន់ទាំងនោះ រួមមាន ម៉ាស៊ីនអ៊ុតខ្នាតយក្ស, ម៉ាស៊ីនអ៊ុតខ្នាតធំ, ម៉ាស៊ីនអ៊ុតខ្នាត-63, ម៉ាស៊ីនអ៊ុតខ្នាតតូច-20, ឧបករណ៍សាកថ្មទូរស័ព្ទ ៥០រង្វាន់, និងរង្វាន់ទឹកប្រាក់ជាច្រើន ៕ 

 

 

 

 

 

 

 

 

 

អត្ថបទពេញនិយម

រដ្ឋមន្ត្រីអភិវឌ្ឍន៍ជនបទលើកទឹកចិត្តឱ្យគ្រប់គ្នាគិតពីបរិក្ខាទឹកស្អាតនិងអនាម័យធន់នឹងការប្រែប្រួលអាកាសធាតុ

អង្គការ​​សំអា​តទន្លេសមុទ្រ តាំង​បង្ហាញស្នាដៃ​សិល្បៈដែល​កែច្នៃ​ពីសំ​រាម​ក្នុង​ទន្លេ

រដ្ឋម​ន្ត្រី​ប​រិស្ថា​ន​៖ កម្ពុជា​អាច​លក់​កាបូន​បាន ជារ​បត់ថ្មីមួយ​ដែល​អាចរ​កចំណូល​ពីការ​អភិរក្សធន​ធាន​ធម្មជាតិ

ក្រសួង​អភិវឌ្ឍន៍​ជនបទ រៀបចំការ​ប្រកួតប្រជែង​អត្ថបទ​លើប្រធានបទ ទឹកស្អាត អនាម័យ និងវិធី​បង្ការរោគ សម្រាប់​សិស្សថ្នាក់ទី​១២

សម្តេច​តេជោ ហ៊ុន សែន ស្នើឲ្យរដ្ឋមន្រ្តី​ការប​រទេស​អាស៊ាន បង្កើត​​កិច្ចព្រមព្រៀង​បៃតង​អា​ស៊ាន

អត្ថបទដែលទាក់ទង