អ្នកជំនាញ ៖ ការត្រួតពិនិត្យសុខភាពសត្វជាប្រចាំ រួមចំណែកជួយធានាសុវត្ថិភាពចំណីអាហារនៅកម្ពុជា

ថ្ងៃព្រហស្បតិ៍ ទី០៥ ខែមករា​ ឆ្នាំ២០២៣      ម៉ៅ សំណាង
ចែករំលែក
Views: 259
1

ភ្នំពេញ - អ្នកជំនាញផ្នែកសុខភាពសត្វ បានចាត់ទុកថា វិស័យចិញ្ចឹមសត្វដើរតួនាទីយ៉ាងសំខាន់ក្នុងការបង្កើនប្រាក់ចំណូល លើកកម្ពស់ការរស់នៅ និងជំរុញសេដ្ឋកិច្ចជាតិ ។ ទន្ទឹមគ្នានេះ អ្នកជំនាញបានជំរុញឱ្យអ្នកចិញ្ចឹមសត្វផ្តោតការការត្រួតពិនិត្យ និងតាមដានសុខភាពសត្វជាប្រចាំ ដើម្បីរួមចំណែកជួយអភិវឌ្ឍន៍វិស័យសត្វ និងធានាសន្តិសុខស្បៀងនៅកម្ពុជាផងដែរ ។

លោក ផង់ ពិសិដ្ឋ អ្នកជំនាញផ្នែកសុខភាពសត្វប្រចាំក្រុមហ៊ុន CP នៅកម្ពុជា បានឱ្យដឹងថា កន្លងមកការចិញ្ចឹមសត្វនៅកម្ពុជាបានជួបប្រទះបញ្ហានូវជំងឺជាច្រើន ទាំងនេះមកពីកង្វះការយល់ដឹងផ្នែកសុខភាពសត្វ បច្ចេកទេសចិញ្ចឹមសត្វឱ្យបានច្បាស់លាស់ និងយល់ពីប្រព័ន្ធជីវភាពសុខភាពរបស់សត្វផងដែរ។

បទពិសោធន៍ធ្វើការជាមួយក្រុមហ៊ុន CP អស់រយៈពេលជិតប្រាំបីឆ្នាំមកនេះ លោកបានឱ្យដឹងថា រៀងរាល់បីម្តង លោកតែងយកឈាម សំណាក់របស់សត្វមាន់មកពីនិត្យ និងតាមដានមើលអង់ទីកររបស់សត្វ ។ លោកថា សកម្មភាពទាំងនេះ គឺធ្វើឡើងក្នុងគោលបំណងស្វែងយល់ពីជំងឺរបស់មាន់ រិះរកថ្នាំព្យាបាលសត្វបានទាន់ពេល ជួយផ្តល់ប្រឹក្សាពីដំណោះស្រាយបញ្ហាជំងឺសត្វទៅកាន់បណ្តារកសិដ្ឋាន ជួយជំរុញគ្រួសារកសិករបង្កើនកសិដ្ឋានចិញ្ចឹមសត្វឱ្យបានច្រើន ដើម្បីបំពេញតម្រូវការទីផ្សារ ពិសេសធានាបាននូវសុវត្ថិភាពស្បៀងថែមទៀត ។

អ្នកបច្ចេកទេសសត្វរូបនេះ បានឱ្យដឹងទៀតថា បញ្ហាប្រឈមរបស់លោកដែលជួបប្រទះក្នុងវិស័យចិញ្ចឹមសត្វនៅកម្ពុជា ឃើញថាកសិករមួយចំនួននៅតែមិនទាន់យល់ច្បាស់ពីបច្ចេកទេសចិញ្ចឹមសត្វ ជាហេតុធ្វើឱ្យពួកគាត់ពិបាកទទួលយកបច្ចេកទេសថ្មីៗ ខណៈកសិករមួយចំនួននៅតែចិញ្ចឹមសត្វបែបលក្ខណៈប្រពៃណីនៅឡើយ។

អ្នកជំនាញរូបនេះ បានបន្តដូច្នេះថា ៖ “ខ្ញុំចង់ជំរុញឱ្យកសិករងាកមកចិញ្ចឹមសត្វដែលមានបទដ្ឋានបច្ចេកទេសត្រឹមត្រូវ ដើម្បីឱ្យសត្វមានសុវត្ថិភាព និងចៀសផុតពីជំងឺកាច់សាហាវ មួយវិញខ្ញុំចង់ឱ្យកសិករ ចេះត្រួតពិនិត្យសុខភាពសត្វជាប្រចាំ ដើម្បីជំរុញឱ្យប្រជាពលរដ្ឋខ្មែរបានបរិភោគសាច់សត្វដែលសុវត្ថិភាព សាច់ដែលគ្មានកាក់សំណល់ថ្នាំពុល សត្វដែលមានបាតេរីភាពសុំាថ្នាំនៅក្នុងខ្លួនផងដែរ”។

ជុំវិញវិស័យចិញ្ចឹមសត្វនៅកម្ពុជានេះដែរ កាលពីចុងខែធ្នូ ឆ្នាំ២០២២ កន្លងទៅ ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ បានឱ្យដឹងថា កន្លងមកអគ្គនាយកដ្ឋានសុខភាពសត្វ និងផលិតកម្មសត្វ បានខិតខំប្រឹងប្រែងជំរុញវិស័យនេះឱ្យមានការរីកចម្រើន ប៉ុន្តែក៏ជួបបញ្ហាលំបាកមានដូចជា  ការប្រឈមនឹងការឆ្លងរាលដាលនៃជំងឺថ្មីៗដែលប៉ះពាល់ដល់ផលិតកម្មសត្វចិញ្ចឹម និងទីផ្សារ ព្រមទាំងចំនួនធនធានមនុស្សជំនាញនៅមានកម្រិត ។

ឯកឧត្តមរដ្ឋមន្រ្តីក្រសួងកសិកម្ម បានឱ្យដឹងទៀតថា ដើម្បីជំរុញវិស័យចិញ្ចឹមសត្វនៅកម្ពុជា ក្រសួងកសិកម្មនឹងខិតខំគៀងគរវិនិយោគិនឯកជន និងលើកសំណើគម្រោងវិនិយោគសម្រាប់ការវិនិយោគលើសេវាកម្មគាំទ្រ ហេដ្ឋារចនាសម្ព័ន្ធចាំបាច់នានា និងជួយជាទុនក្នុងការពង្រីកនិងពង្រឹងផលិតកម្មសត្វរបស់វិស័យឯកជន ដើម្បីជំរុញការអភិវឌ្ឍកសិដ្ឋាន និងសហគ្រាសកែច្នៃផលិតផលសត្វសម្រាប់នាំចេញផងដែរ ។

គួរបញ្ជាក់ដែរថា ពាក់ព័ន្ធនឹងវិស័យសត្វចិញ្ចឹមនេះ កន្លងមកសាធារណៈរដ្ឋប្រជាមានិតចិន បានគាំទ្រដល់ការងារលើកកម្ពស់ការចិញ្ចឹមសត្វ តាមរយៈគម្រោងនិងកិច្ចសហប្រតិបត្តិការនានា ក្នុងនោះមានកម្មវិធីឡជីវឧស្ម័ន អំណោយជាវ៉ាក់សាំងការពារ ជំងឺឆ្លងសត្វ និងកម្មវិធីបណ្តុះបណ្តាលជាច្រើន ។ នាពេលថ្មីៗនេះ ភាគីទាំងពីរគ្រោងអនុវត្តគម្រោងអាស៊ាន-ចិន ដែលនឹងសាងសង់មន្ទីរពិសោធន៍រោគវិនិច្ឆ័យជំងឺសត្វថ្នាក់ជាតិជូនអគ្គនាយកដ្ឋានសុខភាពសត្វ និងផលិតកម្មសត្វ ដើម្បីចូលរួមអភិវឌ្ឍន៍វិស័យចិញ្ចឹមសត្វនៅកម្ពុជា ៕

អត្ថបទ៖ សែម ពិសី

 

អត្ថបទពេញនិយម

រដ្ឋមន្ត្រីអភិវឌ្ឍន៍ជនបទលើកទឹកចិត្តឱ្យគ្រប់គ្នាគិតពីបរិក្ខាទឹកស្អាតនិងអនាម័យធន់នឹងការប្រែប្រួលអាកាសធាតុ

អង្គការ​​សំអា​តទន្លេសមុទ្រ តាំង​បង្ហាញស្នាដៃ​សិល្បៈដែល​កែច្នៃ​ពីសំ​រាម​ក្នុង​ទន្លេ

រដ្ឋម​ន្ត្រី​ប​រិស្ថា​ន​៖ កម្ពុជា​អាច​លក់​កាបូន​បាន ជារ​បត់ថ្មីមួយ​ដែល​អាចរ​កចំណូល​ពីការ​អភិរក្សធន​ធាន​ធម្មជាតិ

ក្រសួង​អភិវឌ្ឍន៍​ជនបទ រៀបចំការ​ប្រកួតប្រជែង​អត្ថបទ​លើប្រធានបទ ទឹកស្អាត អនាម័យ និងវិធី​បង្ការរោគ សម្រាប់​សិស្សថ្នាក់ទី​១២

សម្តេច​តេជោ ហ៊ុន សែន ស្នើឲ្យរដ្ឋមន្រ្តី​ការប​រទេស​អាស៊ាន បង្កើត​​កិច្ចព្រមព្រៀង​បៃតង​អា​ស៊ាន

អត្ថបទដែលទាក់ទង