ខេត្តចំនួន ១៣ស្ថិតនៅក្នុងផែនទីបង្ហាញផ្លូវភ្ជិតតម្លាតភាពស្គមស្គាំងរបស់កុមារកម្ពុជា

ថ្ងៃពុធ ទី១៤ ខែកុម្ភៈ​ ឆ្នាំ២០២៤      ម៉ៅ សំណាង
ចែករំលែក
Views: 220
1

សៀមរាប - ផែនទីបង្ហាញផ្លូវភ្ជិតតម្លាតនៃភាពស្គមស្គាំងរបស់កុមារនៅកម្ពុជា បានកំណត់យកខេត្តចំនួន១៣ ជាតំបន់អាទិភាពភូមិសាស្ត្រសម្រាប់សកម្មភាពការងារកាត់បន្ថយភាពស្គមស្គាំងរបស់កុមារ ។ ខេត្តទាំងនោះ រួមមាន កំពង់ចាម ត្បូងឃ្មុំ កំពង់ឆ្នាំង កំពង់ធំ ក្រចេះ មណ្ឌលគិរី រតនគិរី ព្រះវិហារ ស្ទឹងត្រែង ពោធិ៍សាត់ សៀមរាប តាកែវ និងឧត្តរមានជ័យ ។ ទន្ទឹមគ្នានេះ ខេត្តពង្រឹងកិច្ចអន្តរាគមន៍ដំណាក់កាលទីមួយ ដោះស្រាយបញ្ហាស្គមស្គាំងរបស់កុមារ មានខេត្តសៀមរាប ខេត្តកំពង់ចាម និងខេត្តកំពង់ឆ្នាំង ។ នេះបើតាមប្រសាសន៍ឯកឧត្តម សំ សារ៉ាត អនុប្រធានក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ ។

 

ឯកឧត្តម សំ សារ៉ាត អនុប្រធានក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ មានប្រសាសន៍ថា វិស័យសន្តិសុខស្បៀង និងអាហារូបត្ថម្ភ បានដើរតួនាទីយ៉ាងសំខាន់ក្នុងការរួមចំណែកអភិវឌ្ឍន៍មូលធនមនុស្ស បង្កើនប្រសិទ្ធភាពការងារ ព្រមទាំងជំរុញកំណើនសេដ្ឋកិច្ច និងវឌ្ឍនភាពសង្គម ។ ការអភិវឌ្ឍទីក្រុង ការធ្វើចំណាកស្រុក ការប្រែប្រួលអាកាសធាតុ ការប្រែប្រួលប្រជាសាស្ត្រ និងការរីកចម្រើនផ្នែកសេដ្ឋកិច្ច និងសង្គម បានធ្វើឱ្យប្រជាជនកម្ពុជាផ្លាស់ប្ដូររបៀបរស់នៅ និងការហូបចុក ។ 

 

ឯកឧត្តម សំ សារ៉ាត បានបន្តថា ការផ្លាស់ប្ដូរ បំរែបំរួលទម្លាប់បុគ្គល និងសង្គម កំពុងមានឥទ្ធិពលលើស្ថានភាពសន្តិសុខស្បៀង និងអាហារូបត្ថម្ភ ដែលតម្រូវឱ្យមានការយកចិត្តទុកដាក់បន្ថែមទៀតលើការប្រយុទ្ធនឹងបញ្ហាកង្វះអាហារូបត្ថម្ភគ្រប់ទម្រង់ ហើយបញ្ហានេះ បានធ្វើឱ្យប្រជាជនប្រឈមនឹងបញ្ហាថ្មីៗ គំរាមកំហែងដល់សុខភាព និងសក្តានុពលនៃកំណើនសេដ្ឋកិច្ច ។ 

 

សូមជម្រាបថា តាមរយៈកិច្ចពិភាក្សា ស្តីពីការធ្វើការរួមគ្នាបំពេញកង្វះខាតលើផែនការសកម្មភាពសកល ដើម្បីកាត់បន្ថយភាពស្គមស្គាំងរបស់កុមារនៅថ្នាក់ក្រោមជាតិកន្លងទៅ​ ក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ ក៏បានជំរុញដល់គ្រប់ភាគីពាក់ព័ន្ធជួយបង្កើនការខិតខំប្រឹងប្រែងរួមគ្នា កៀរគរធនធានពីប្រភពនានា ដើម្បីការឆ្លើយតបចំពោះបញ្ហាស្គមស្គាំងរបស់កុមារ ដែលឆ្លើយតបនឹងការខិតខំរបស់រាជរដ្ឋាភិបាលកម្ពុជាក្នុងការលើកកម្ពស់សុខមាលភាពកុមារ ៕

 

 


អត្ថបទពេញនិយម

រដ្ឋមន្ត្រីអភិវឌ្ឍន៍ជនបទលើកទឹកចិត្តឱ្យគ្រប់គ្នាគិតពីបរិក្ខាទឹកស្អាតនិងអនាម័យធន់នឹងការប្រែប្រួលអាកាសធាតុ

អង្គការ​​សំអា​តទន្លេសមុទ្រ តាំង​បង្ហាញស្នាដៃ​សិល្បៈដែល​កែច្នៃ​ពីសំ​រាម​ក្នុង​ទន្លេ

រដ្ឋម​ន្ត្រី​ប​រិស្ថា​ន​៖ កម្ពុជា​អាច​លក់​កាបូន​បាន ជារ​បត់ថ្មីមួយ​ដែល​អាចរ​កចំណូល​ពីការ​អភិរក្សធន​ធាន​ធម្មជាតិ

ក្រសួង​អភិវឌ្ឍន៍​ជនបទ រៀបចំការ​ប្រកួតប្រជែង​អត្ថបទ​លើប្រធានបទ ទឹកស្អាត អនាម័យ និងវិធី​បង្ការរោគ សម្រាប់​សិស្សថ្នាក់ទី​១២

សម្តេច​តេជោ ហ៊ុន សែន ស្នើឲ្យរដ្ឋមន្រ្តី​ការប​រទេស​អាស៊ាន បង្កើត​​កិច្ចព្រមព្រៀង​បៃតង​អា​ស៊ាន

អត្ថបទដែលទាក់ទង